भांगरभूंय | प्रतिनिधी
नवी दिल्ली, खबरां संस्था ः ज्येश्ठ नागरिकां खातीर सरकारान नवी कार्य पद्दत चालीक लायल्या. आतां ज्येश्ठ नागरिकांक घरा बसून बँकेचो वेव्हार करपाक मेळटलो. दुयेंत वा जाण्टेपणाक लागून बँकेच्या वेव्हारांत अडचणी येता ते खातीर निवृत्त कर्मचाऱ्यां खातीर सरकारान हो निर्णय घेतला. हे संबंदी निर्णय वित्त खात्यान 11 जून दिसा जाहीर केलां.
मजगतीं, सरकारान घेतिल्ल्या निर्णया प्रमाण संयुक्त बँक खात्याची सुविधा दिवप, बँक वेव्हारा खातीर राखणदारांची नेमणूक आनी प्रत्यक्ष हजर रावप. जर हें शक्य ना जाल्यार पयशे काडपाचे पावतीचेर सय करप, सय करप शक्य ना जाल्यार बँकेच्या अधिकाऱ्यां मुखार आंगठो दिवपाची सूट तांका दिल्या. कर्मचाऱ्यांचो वेंचून काडिल्लो पगार बँक खात्यांत जमा जाता. तातूंतल्यान गरजे प्रमाण रक्कम काडटात. पूण कांय जाणांक दुयेंत वा जाण्टेपणाक लागून बँकेंत वचप शक्य ना, वा हालचाल करपाक मेळना. ते खातीर सरकारान ही नवी कार्य पद्धत चालीक लायल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
