भांगरभूंय | प्रतिनिधी
फोंडें, प्रतिनिधी: ईश्वरभाट – खांडेपारच्या शिवलिंग देवळांतली फंड पेटी चोरपाचो यत्न करपी ऋषभ गोपी गावडे (२०, बागवाडो – खांडेपार) ह्या दुबाविताक फोंडें पुलिसांनी बिरेस्तारा रातच्या वेळार अटक केली. १५ जुनाक सांजेवेळार सुमार ३.४५ वरांचेर तांणी चोरी करपाचो यत्न केल्लो. निरीक्षक तुषार लोटलीकार हांच्या मार्गदर्शना खाला उपनिरीक्षक सुशांत गांवकार हांणी तपास करून दुबाविताक अटक केली.
पुलिसांनी दिल्ले म्हायती प्रमाण, १५ जूनाक दुबावितान फंड पेटी चोरपाचो यत्न केल्लो. देवळाच्या वाठारांत कोणूच नाशिल्ल्याची संद मेळटकच ताणें चोरयेचो यत्न केलो. उपरांत हे विशीं गजानन उर्फ सुदिन सदाशिव घाटे हांणी फोंडें पुलीस स्टेशनांत कागाळ केल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
