भांगरभूंय | प्रतिनिधी
नवी दिल्ली, खबरां संस्था: च्या मोगीं खातीर एक म्हत्वाची खबर आसा. आतां च्याचो दर वाडपाचो आसा. हाका लागून च्या मोगींचीं बोल्सां कापपाचीं आसात. घर, कार्यालय, संस्था, उत्सव, कार्यावळी अशा सगळ्या सुवातांचेर च्याची गरज आसता. पूण आतां च्याच्या दरांत वाड जाल्ल्यान चड पयशे फारीक करचे पडटात. च्याचें मोल नेमकें कित्याक वाडपाचें आसा? हे विशीं जाणून घेवया.
च्या उत्पादन आनी वापर ह्या दोनूय मळार भारत मुखार
भारतांतल्या लोकांक च्या पियेवपाक खूब आवडटा. च्या उत्पादन आनी वापर ह्या दोनूय मळार भारत मुखार आसा. संवसारांतल्या च्या उत्पादक देशांमदीं भारताचो दुसरो क्रमांक आसा. चिना उपरांत भारताचो क्रमांक येता. देशांत आसाम आनी डार्जिलींग हीं च्या उत्पादना खातीर संवसारीक नामनेचीं थळां. च्या लोकांच्या जिविताचो एक अभिन्न भाग जाला. कितलेशेच लोक आपलो दीस च्याय घेवन सुरू करतात. च्यायचो खर्च उणो हेंय एक ताची लोकप्रियता मेळपा फाटलें कारण. मात अंदूं च्या पियेवप म्हळ्यार बोल्साक कांतर मारप अशें जावपाची शक्यताय आसा.
अंदूं च्याचें उत्पादन उणें
उत्तर भारतीय च्या उद्देगांत वांटो घेवपी आसाम आनी अस्तंत बंगाल राज्यांत धोक्याची परिस्थिती निर्माण जाल्या. मे म्हयन्यांत अती उश्णताय आनी पावसाचो उणाव, अतिवृष्टी आनी वताचो उणाव हाका लागून च्याचें उत्पादन देंवलां. ताका लागून च्याचो दर वाडला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
