भांगरभूंय | प्रतिनिधी
मान्सुनान एन्ट्री मारल्या. मात पावसान सुटी घेतल्या. ताका लागून उश्णताय सगळ्यांकूच त्रास करपाक लागल्या. तातूंत कामाचो ताण, तशेंच भायर अनहेल्दी खावपाचेर भर अश्या वेळार गंभीर दुयेंसांक तोड दिवचें पडटा. कोलेस्ट्रोल आनी युरीक अॅसिडाची समस्या हालीं सगळ्यांकूच जाणवता. अशा वेळार सोमार ते आयतार हे ७ बॉडी डिटॉक्स ड्रिंक्स घेतल्यार तुमचे भलायकेक फायदो जातलो.
सोमारा: आलें, लिंबू आनी हळद हांचें उदक पियात. ह्या पुश्टीक पेयान तुमची रोगप्रतिकारशक्त वाडटली आनी पचन वेवस्थीत उरपाक मजत जातली. तशेंच वजन उणें जातलें.
मंगळार: मंगळारा मेथयेचें उदक पियात. सकाळीं हें उदक पिल्यार रगतांतली साकरेची पातळी नियंत्रणांत उरता. तशेंच पचनांतूच प्रभावी थारता. तशेंच गोडेमुताचें दुयेंस आसल्यार तुमकां हें उदक सामकें फायद्याचें थारतलें.
बुधवार: बुधवारा सकाळची सुरवात जिर्याच्या उदकान करूं येता. हें ड्रिंक वजन उणें करपाक फायद्याचें. इतलेंच न्हय पचना कडेन आशिल्ल्यो जायत्यो समस्या कांय प्रमाणांत उण्यो जातल्यो.
बिरेस्तार: बिरेस्तारा तुमच्या आहारांत ओंव्याच्या उदकाचो आसपाव करात. भलायकी तज्ज्ञांच्या मतान, ओंव्याचें उदक भलायके खातीर सामकें फायद्याचें. गॅस, फुगवणे, अपचन आनी पोटाच्यो हेर समस्या पयस करपाक मजत जाता.
शुक्रार: लिंबू, तवश्याच्या उदकान दिसाची सुरवात करात. अशें केल्ल्यान तुमकां दिसभर हायड्रेटेड आनी फ्रेश दिसतलें. इतलेंच न्हय हें उदक पिल्यार शरीर डिटॉक्सिफाय जाता.
शेनवार: पुदिना आनी तुळशीच्या बियांचें उदक पियात. हें उदक पिल्यार पोट फुगपाची सम्या पयस जाता. तशेंच हें हेल्दी ड्रिंक शरीरांत साचिल्ली घाण काडून तुमकां निरोगी करता. शेनवारा ह्या हेल्दी ड्रिंकान तुमी तुमच्या दिसाची सुरवात करात.
आयतार: सप्तकांतल्या निमाण्या दिसा बडिशेपीचें उदक पियात. हें उदक पिल्यार पचन बरें जाता आनी वजन उणें करपाक मजत जाता. तशेंच पोट फुगपाची समस्या पयस जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
