भांगरभूंय | प्रतिनिधी
मराठी, हिंदी सयत 9 भारतीय भासांक तेंको दिता
नवी दिल्ली, खबरां संस्था ः तंत्रगिन्यान कंपनी गूगलान जेमिनी एआय अॅप सुरू केला. हो अॅप हिंदी, बंगाली, गुजराती, कन्नड, मल्याळम, मराठी, तमिळ, तेलगू आनी उर्दू सयत 9 भारतीय भासांक तेंको दिता. गूगलाचे सीईओ सुंदर पिचाई हांणी ही म्हायती सोशल मिडिया प्लॅटफॉर्म एक्साचेर दिल्या.
ते भायर गूगलान जेमिनी ॲडव्हान्सांत (Gemini Advanced) नवी खाशेलपणां सुरू केल्यांत, तातूंत डेटा विश्लेशण क्षमता, फायल अपलोड करप आनी गूगल संदेशांत जेमिनी कडेन इंग्लीशींत चॅट करपाची तांक आसा. भारता भायर तुर्की, बांगलादेश, पाकिस्तान आनी श्रीलंकेंतूय जेमिनी अॅप सुरू केला.
जेमिनी एआय वरवीं वापरप्यांक उलोवन, टायप करून आनी चित्रां शेअर करुन तांच्या प्रस्नांक जाप मेळूं येतात. त्याच वेळार तुमी अलार्म, टायमर आनी रिमायंडर सेट करूंक शकतात आनी संवादांचो रियल-टायमांत अणकार करूंक शकतात. ते भायर आतां तुमी गूगल मेसेजचेर जेमिनी एआय वापरूंक शकतात.
जेमिनी एआय अॅप कसो डावनलोड करचो…
० गूगल जेमिनी अॅप डावनलोड करपाक पयलीं प्ले स्टोरांत वचात.
० थंय सर्च बॉक्सांत ‘गूगल जेमिनी’ (Google Gemini) बरोवन सर्च करचे.
० उपरांत तुमी तो अॅप डावनलोड करून इन्स्टॉल करूंक शकतात.
० हाचे उपरांत तुमकां गूगल असिस्टंटांतल्यान बदलून जेमिनो पर्याय निवडचो पडटलो.
० अॅप इन्स्टॉल केल्या उपरांत गूगल असिस्टंटांतल्यान जेमिनीचेर स्विच करपाचो पर्याय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
