भांगरभूंय | प्रतिनिधी
हालींसराक जायते जाण पेमेंट ऑनलायन पद्दतीन करपाक प्राधान्य दितात. ल्हान ल्हान बिलां लेगीत यूपीआय वरवीं फारीक करतात. हाचे खातीर गूगल पे वा फोन पे सारकिल्ले लोकप्रिय अॅप्लिकेशनां वापरतात. पूण तुमचो मोबायल शेणल्यार कितें? जर तुमचो मोबायल शेणलो वा चोरयेक गेलो जाल्यार ही अॅप्लिकेशनां रोखडीच ब्लॉक करात. गूगल पे आनी फोन पे खातीं कशीं बंद करचीं?
फोन पे खातें कशें बंद करचे?
१. फोन पे खातें बंद करपा खातीर सगळ्यांत पयलीं हेल्पलायन क्रमांक 08068727374 हाचेर फोन करचो पडटलो.
२. कस्टमर सपोर्ट एक्जीक्यूटिव्हाक खातें बंद करपा विशीं म्हायती दिवप. खात्या विशीं सगळो तपशील दिवचो पडटलो.
३. मागीर सगळी म्हायती तपासल्या उपरांत तुमचें खातें तात्पुरतें बंद करतले.
कस्टमर सपोर्ट एक्जीक्यूटिव्हाक खंयची म्हायती दिवची पडटली?
१. कस्टमर सपोर्ट एक्जीक्यूटिव्हाक तुमकां नोंदणीकृत मोबायल क्रमांक दिवचो पडटलो. ते भायर ईमेल आयडीय दिवची पडटली.
२. निमाणो फारीकणी तपशील दिवचो पडटलो.
३. बँक खात्या विशीं म्हायती दिवची पडटली. आधार कार्ड वा पॅन कार्डाचीय म्हायती दिवची पडटली.
४. पर्यायी मोबायल क्रमांकूय सांगचो पडटलो.
गूगल पे खातें कशें बंद करचे?
१. गूगल पे खातें बंद करपा खातीर पयली हेल्पलायन क्रमांक 1800- 419- 0157 चेर फोन करचो.
२. मागीर कस्टमर सपोर्ट एक्जीक्यूटिव्हाक गूगल पे खात्या विशीं म्हायती दिवची पडटली, आनी खातें बंद करपाची विनवणी करची पडटली.
३. मागीर सगळी म्हायती तपासल्या उपरांत तुमचें खातें तात्पुरतें बंद करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
