भांगरभूंय | प्रतिनिधी
नवी दिल्ली, खबरां संस्था: मर्सरच्या अंदूंच्या सर्वेक्षणा उपरांत संवसारीक पांवड्यार रावपाक सगळ्यांत म्हारग शारांचे वळेरेंत हॉंग कॉंग सगळ्यांत मुखार आसा. हे वळेरेंत नवी दिल्ली १६४ वे, चेन्नय १८९, बेंगळुरू १९५, हैदराबाद २०२, कोलकात्ता २०७ आनी पुणे शार २०५ वे सुवातेर आसा. देशाची अर्थीक राजधानी म्हणून वळख आशिल्लें मुंबय शार अंदूचे वळेरेंत वट्ट ११ क्रमांकांनी फुडें वचून १३६ वे सुवातेर पावलां. आशियेंत, मुंबय आनी नवी दिल्ली आंकडेवारींत मुखार सरलां. हे वळेरे प्रमाण, मुंबय आशियांतलें २१ वें सगळ्यांत म्हारग शार थारलां. जाल्यार नवी दिल्ली आतां आशियांतल्या म्हारग शारांचे वळेरेंत ३० व्या सुवातेर पाविल्ले शार थारलां.
दिल्ली, मुंबय आनी पुण्या सारक्या मेट्रो शारांनी खर्च वाडपा फाटल्यान जायतीं कारणां आसात. ह्या शारांनी रोजगार वाडिल्ल्यान मध्यमवर्गांतल्या नागरिकांची खर्चाची तांकूय वाडल्या. दुसरे वटेन चडश्या चलनांचे तुळेंत अमेरिकन डॉलर घट आसून लेगीत भारतीय रुपयांचें मोल स्थीर रावलां. हाचो परिणाम भारतीय शारांतल्या खर्चाचे तुळेंत उणाव दिसून आयला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
