भांगरभूंय | प्रतिनिधी
नागपूर, खबरां संस्था ः नागपुरांतल्या दिघोरी टोल नाक्याचेर आयतारा मध्यानरातीं एके गाडयेन फुटपाथाचेर न्हिदिल्ल्या राजस्थानांतल्या एकाच कुटुंबांतल्या णव जाणांक चिड्डिले. तांतूतल्या दोगांक जाग्यारुच मरण आयलें जाल्यार सात जाण जखमी जाल्यात.
ह्या प्रकरणांत गाडयेचो ड्रायव्हर भूषण लांजेवार हाच्या आड गुन्यांव नोंद करून ताका अटक केली. ह्या अपघातांत मरण आयिल्ल्यांचीं नांवां कांतीबाई गजुड बागडिया (42, करवली, बुंदी-राजस्थान) आनी सीताराम बाबूलाल बागडिया (30) अशीं आसात. जाल्यार जखमींचीं नांवां कविता बागडिया, सुमन बागडिया, सीना बागडिया, सकीना बागडिया, संमद खजूर बागडिया, बुरा हनुमान बागडिया आनी पानबाई मानसिंग बागडीया अशी आसा.
चड म्हायती प्रमाण आयतारा मध्यान रातीं 12:30 उपरांत एक कार वेगान उमरेड रस्त्या वयल्यान नागपूराक येताली. टोल नाक्या मुखारल्यान वतना वेगान वचपी गाडयेच्या ड्रायव्हराचो ताबो सुटलो आनी रस्त्याक लागीं आशिल्ल्या फुटपाथाचेर गाडी चडली. ह्या फुटपाथाचेर मातयेचीं आयदनां विकपी बागडिया कुटुंब न्हिदिल्लें. त्या णव जाणांच्या आंगा वयल्यान कार गेली. हांतूत दोगांक मरण आयले जाल्यार सात जाण जखमी जाल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
