भांगरभूंय | प्रतिनिधी
मुतप ही एक सैमीक प्रक्रिया. जायते जाण केन्ना केन्नाय भायर भोंवतना वा कामाक वतना वरांचीं वरां मूत आडावन दवरतात. कांय जाणांक आडावन दवरप हें संवयेचेर जावन पडलां. मात तुमची ही चूक तुमकां बरीच म्हारग पडपाक शकता. ही संवय भलायकेक माल पडपाक शकता. तशेंच परत परत मुतप लेगीत बरें न्हय. तुमची सैमीक प्रक्रिया खंडीत केल्यार कुडीचेर परिणाम जाता. तुमकां परत परत मुतपाची संवय आसल्यार ताका लागून जावपी लुकसाण जाणून घेयात.
हे परिणाम कुडींत दिसतात
कुडीचें तापमान वाडप
चड गरम वा चड थंडी जाणवप
ओंकारी जावप
परत परत मुतपाक जावप
रातच्या वेळार लेगीत मुतपाक वचप
मुताक घाण वास मारप
मुताचो फिकट वा हळदुवो तांबडो रंग
मूत आडावन दवरल्यार हें जाता
मुत्राशयाक मुताची पोती अशें म्हण्टात. वरभर मुतनासतना रावल्यार मुत्राशयाचेर ताण येता. अशे परिस्थितींत मुत्राशय फुटप सारक्या गंभीर समस्यांक तोंड दिवचें पडटा. देखून मुताक चड वेळ दवरप धोक्याचें थारूंक शकता.
मुताच्या मार्गांत संसर्ग जावप
मूत चड वेळ आडावन दवरल्यार मुताच्या मार्गांत संसर्ग जावपाचो धोको वाडटा. हातूंत मुततना जळप आनी खाज येवप हांचो आस्पाव जाता. ही समस्या दादल्यांपरस बायलां मदीं चड दिसता. देखून कितेंय जालें तरी मूत आडावन दवरूं नाका.
मुताची गळती
मुत आडावन दवरल्यार खुबश्या जाणांक जशी पिराय वाडत वता तशी मुतांतल्यान गळतीची समस्या जायत्या जाणांक जाणवता. कारण मुत्राशयाच्या दुबळेपणाक लागून मुताची गळती जावपाची समस्या निर्माण जाता.
मूत्रपिंडांत फातर
अॅसिड आनी कॅल्शियम ऑक्सलेट आसता. मुतप चड वेळ आडायल्यार फातराची समस्या निर्माण जाता. मुत आडावपाची तुमची संवय मूत्रपिंडांत फातर जावपाचो धोको वाडटा अशें तज्ञ म्हणटात.
दिसाक कितले फावट मुतचें?
सादारणपणान दिसाक ६- ७ फावटीं मुतपाक जावपाक जाय. म्हणल्यार २४ वरांत उण्यांत उणें ६- ७ वेळां मुतप गरजेचें अशें तज्ञ सांगतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
