भांगरभूंय | प्रतिनिधी
आधुनीक ट्रेलिंग सक्शन हॉपर ड्रेजरचे निर्मिती खातीर लक्समबर्गच्या जॅन डी नूल समुहा वांगडा कराराचेर लक्झेंबर्ग केली सय
वास्को,प्रतिनिधी: वास्कोच्या गोवा शिपयार्ड लिमिटेडान फुडल्या काळाची गरज वळखून आधुनीक ट्रेलिंग सक्शन हॉपर ड्रेजरचे निर्मिती खातीर लक्समबर्गच्या जॅन डी नूल समुहा वांगडा कराराचेर लक्झेंबर्ग हांगा सय केली. ह्या कराराक लागून युरोपियन गिरायकां खातीर ड्रेजर्स बोट निर्मितीच्या मळार भारतांतल्या मुखेल बोट बांदपी कंपन्यां मदलें गोवा शिपयार्ड एक थारतलें.
ह्या ड्रेजर जहाजाची रचणूक प्लग-इन हायब्रीड म्हणून करता. जातूंत पयल्या चार वरां मेरेन स्वताच आनी मनीसबळा बगर काम करपाची तांक आसा. तशेंच विशेश म्हळ्यार ल्हान जुंव्याचेर ऑपरेट करपाक डिझायन केलां. ७९ मिटर हल लांबाये सयत, नवे बोटीची हॉपर तांक २००० घनमीटर आसा. सध्याच्या करारा प्रमाण हे बोटीची निर्मिती २४ म्हयन्यांत पुराय जावप अपेक्षीत आसा. हें ड्रेजर ULEv-तंत्रज्ञान अल्ट्रा लो उत्सर्जन तंत्रज्ञान आनी युरो ६ इंजिना सयत सुसज्ज आशिल्ल्या जे जैव-इंधनार चलपाक शकता. युरोपांतल्या विंगड विंगड प्रकल्पा खाला जलमार्गांची खोलाय राखप, दर्यांतलीं बांधकामां, दर्यांत वा न्हंयंत आनीक जमीन तयार करप आनी नवे जुंवें बांदपाच्या कामा खातीर हे बोटीचो उपे जातलो.
गोवा शिपयार्ड लिमिटेड कंपनी भारत सरकारच्या भौशीक उपक्रमां खाला भारतीय
संरक्षण आनी बोटी बांधणी मळार सर्वश्रेश्ठ मानतात. आतां मेरेन भारतीय नौदळ,
भारतीय तटरक्षक दळ आनी इश्ट देशां खातीर २०० परस चड बोटी आनी १६० बोटींचे
डिझायन आनी निर्मिती केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
