भांगरभूंय | प्रतिनिधी
छत्रपती संभाजीनगर, खबरां संस्था: केंद्रीय लोकसेवा आयोगाची (यूपीएससी) परीक्षा देशभरांत विवीध सुवातांचेर जाता. हे परिक्षे खातीर विद्यार्थ्यांक सेंटर दितात. त्या सेंटराचेर वचून विद्यार्थ्यांक परिक्षा दिवची पडटा. मात, छत्रपती संभाजीनगरांत कांय विद्यार्थ्यांक गुगल मॅपार चुकीचो नामो दाखयल्ल्यान परिक्षेक वेळार पावप जावंक ना आनी परिक्षा चुकली. छत्रपती संभाजीनगरांत परीक्षा आशिल्ल्यान मराठवाड्या वयल्या कांय जिल्ह्यांतले विद्यार्थी छत्रपती संभाजीनगर हांगा परिक्षा दिवपाक आयिल्ले. मात, तांणी परीक्षे खातीर दिल्लो सेंटराचो नामो गुगल मॅपार सोदलो आनी थंय पावले.
पूण थंय गेले उपरांत विद्यार्थ्यांक कळ्ळें की केंद्रांत पावचे बदला आपूण दुसरे सुवातेर आयल्यात. ते उपरांत विद्यार्थ्यांची धांवपळ जाली. कांय वेळा उपरांत विद्यार्थी परिक्षा केंद्रांत पावले. पूण तेन्ना मेरेन ताका खूब उशीर जाल्लो. देखून विद्यार्थी परिक्षेक हाजीर रावंक शकले नात.
प्रसार माध्यमां कडेन उलयतना विद्यार्थ्यांच्या पालकांनी सुमार २० ते २५ विद्यार्थ्यांक हे केंद्रीय लोक सेवा आयोगाची परिक्षा दिवंक मेळूंक ना अशी म्हायती दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
