भांगरभूंय | प्रतिनिधी
ब्रुकलीन, खबरां संस्था ः अमेरिकेंतल्या ब्रुकलीन शारांत रावपी ४८ वर्सां पिरायेच्या एरी नागेल हाका संवसारभर १६५ भुरगीं आसात. नागेल हो वेवसायान गणितशास्त्राचो प्राध्यापक आसून तो शुक्राणू दातो म्हूण काम करता. आतां मेरेन ताणें अमेरिका, युरोप, आशिया, आफ्रिका सयत संवसारभरांतल्या बायलांक शुक्राणू दान केल्यात. ह्या कारणाक लागून तांकां ‘Sperminator’ हो टॅगूय दिला.
फादर डेच्या चार दीस आदीं १२ जून दिसा नागेलाच्या १६५ व्या भुरग्याचो जल्म जालो. ५० वर्सां पुराय जातकच शुक्राणू दान करप बंद करतलों अशें तांणी सांगलां. कारण पिरायेच्या ५० व्या वर्सा शुक्राणू दान केल्यार तांकां ऑटिझमा सारकिल्या गंभीर मानसीक दुयेंसांचो धोको आसता.
नागेल सप्तकांत १- २ बायलांक शुक्राणू दान करता. हे खातीर ते जायत्या क्लिनीक आनी हॉस्पिटलांच्या संपर्कांत आसात. मजा म्हणल्यार नागेल आपल्या शंबरां परस चड भुरग्यांच्या संपर्कांत आसा. फादर डे निमतान तांणी आपल्या पयल्या आनी ३३ व्या पुता वांगडा बहामासांत दीस सारलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
