भांगरभूंय | प्रतिनिधी
येजमान जर्मनी पंगडान युरो 2024 फुटबॉल सर्तीची सुरवात जैतान केली. ताणें स्कॉटलॅण्डाक 5-1 असो हारयलो. ह्या जैतान आदलो संवसारीक वस्ताद जर्मनीन हेर पंगडांक इशारोच दिला.
जमाल मुसियाला, निक्लस फुलक्रग आनी टोनी क्रूस हांणी बरी कामगिरी करीत पंगडाक जैत मेळोवन दिलें. फ्लोरियन विर्ट्झ हाणें पयल्या धा मिनटां भितर गोल करून आपल्या पंगडाक आघाडी मेळोवन दिली. ते उपरांत जमाल मुसियाला आनी काई हॅव्हर्ट्ज हांणी एकेक गोल केलो. ताका लागून सुरवाती सावन स्कॉटलॅण्डाचेर चेपण आयलें.
पयल्या अर्दांत स्कॉटलॅण्डाक रॅड कार्ड लेगीत दाखयलें. ते उपरांत निक्लस फुलक्रग आनी एमरे कॅन हांणी निर्णायक आघाडी घेवन स्कॉटलॅण्डाक मॅचींत पुनरागमन करपाची संदूच दिली ना. पुर्ण मॅचीचेर जर्मनीन आपलो शेक दवरलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.