बद्रीनाथ वचपी भक्तांचो टेम्पो ट्रॅव्हलर न्हंयेंत कोसळ्ळो, 9 जाणांक मरण, 14 जाण जखमी
भांगरभूंय | प्रतिनिधी
बद्रीनाथ, खबरां संस्था ः दिल्लींतले पर्यटक देव दर्शना खातीर बद्रीनाथ वतना टेम्पो ट्रॅव्हलर गाडये वयलो ड्रायव्हराचो ताबो सुटून टेंपो अलकनंदा न्हंयेंत पडलो. उत्तराखंड राज्यांत जाल्ल्या ह्या अपघातात 9 पर्यटकांक मरण आयलें जाल्यार 14 जाण जखमी जाल्यात. टेम्पो ट्रॅव्हलरांत 23 प्रवासी आशिल्ल्याची म्हायती मेळ्ळ्या.
सध्या पुलीस आनी एसडीआरएफ पंगड घडणूक सुवातेर पावला. सोडवणूक कार्य सुरू केलां. जखमींक भायर काडून हॉस्पिटलांत धाडटात जाल्यार गंभीर जखमींक हेलिकॉप्टरांतल्यान ऋषिकेश एम्स हाॅस्पिटलांत धाडल्यात.
वाटावपाक गेल्ल्या मानायाक मरण
जंय अपघात जालो थंय रेल्वे प्रकल्पाचें काम चलता. टेंपो न्हंयेंत पडटकच लोकांक वाटावपा खातीर 3 मानायांनी न्हंयेंत उडी मारली. तातूंतले 2 परतून आयले. पूण एकल्याक मरण आयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
