भांगरभूंय | प्रतिनिधी
अमृतसर, खबरां संस्था ः शान- ए- पंजाब महाराजा रणजीत सिंग हांच्या पुण्यतिथये निमतान पाकिस्तानान यात्रेकरुंक व्हिसा मंजूर केल्यात. दिल्लींतल्या पाकिस्तान उच्चायुक्तान ही म्हायती दिली. 21- 30 जून ह्या काळांत पाकिस्तानांत महाराजा रणजीत सिंग हांचे वर्सुकी स्मरणोत्सवांत वांटो घेवपाक भारतांतल्या शीख यात्रेकरुंक 509 व्हिसा जारी केल्यात.
10 दिसांचे हे यात्रे वेळार यात्रेकरु पंजा साहिब, नानकाना साहिब आनी श्री करतारपूर साहिबाक भेट दितले. महाराजा रणजीत सिंग हांचे लाहोरांतले समाधीकूय भेट दितलो. 21 जूनाक ते पाकिस्तानांत प्रवेश करतले आनी 30 जून दिसा भारतांत परत येतले.
दर वर्सा पाकिस्तान व्हिसा दिता. त्याच वेळार वेंचून काडिल्ल्या प्रवाशांचो व्हिसा फायली पाकिस्तान दूतावासांत धाडल्यो. 509 जाणांक व्हिसा जारी केला. पाकिस्तानानय कांय कारणांक लागून कांय प्रवाशांचे व्हिसा न्हयकारले. कोरोना वेळार पाकिस्तानान भारतीय नागरिकांक व्हिसा दिवपाक न्हयकार दिल्लो. ताची पुराय देखरेख एसजीपीसी कडल्यान जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
