भांगरभूंय | प्रतिनिधी
नवी दिल्ली, खबरां संस्था: अठरावे लोकसभेचें काम सुरू जाले उपरांत दोन दिसांनी २६ जूनाक संसदेच्या नव्या अध्यक्षाची वेंचणूक जातली. अधिवेशन बिरेस्तारा ३ जुलय दिसा सोंपतलें. ह्या अधिवेशनांत वेंचून आयिल्ले सगळे खासदार सोपूत घेतले. राष्ट्रपती द्रौपदी मुर्मू २७ जूनाक लोकसभा आनी राज्यसभेच्या संयुक्त अधिवेशनांत उलोवप करतली.
लोकसभेच्या अध्यक्षपदा खातीर वांगड्याक उमेदवारी दिवची पडटली. एका वांगड्यान दुसर्या वांगड्याचें नांवाचो प्रस्ताव मांडलो आनी दुसर्या वांगड्यान ताका तेंको दिलो, अशे तरेचे जायते प्रस्ताव आसूं येतात. सगळे प्रस्ताव मेळ्ळ्या उपरांत संसद सचिवालय एक अधिसुचोवणी जारी करता, जातूंत सगळ्या उमेदवारांचीं नांवां आसतात. उपरांत एका परस चड उमेदवार आसल्यार वेंचणूक जाता. जातूंत वेंचून आयिल्ले खासदार मतदान करतात. मतदान गुप्त तरेन जाता. एकूच उमेदवार आसत जाल्यार मागीर ताका लोकसभेचो अध्यक्ष म्हूण जाहीर करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
