भांगरभूंय | प्रतिनिधी
युरिक ॲसिड हो दुयेंस ह्या दिसांनी चड करून दर एका घरांत सांपडटा. पिरायेच्या 40 वर्सां उपरांत जावपी हो दुयेंस आतां ल्हान पिरायेचेर जावपाक लागला. युरिक अॅसिड वाडल्यार सांध्यांमदीं खूब खर दुखता. जायत्या जाणांक मनगटां, पांयाच्या घोंट्याक आनी पांयाच्या बोटांनी दुखता. हाचे मुखेल कारण म्हळ्यार युरिक ॲसिडाचे प्रमाण.
चड काळ युरिक ॲसिडाचेर नियंत्रण दवरूंक ना जाल्यार किडनीचें लुकसाण जावंक शकता. आमी जे कितें खातात ताका लागून आमच्या कुडींत युरिक ॲसिड तयार जाता. मूत्रपिंड हें ॲसिड फिल्टर करता आनी कुडींतल्यान काडून उडयता. मूत्रपिंडांक युरिक ॲसिड फिल्टर करपाक मेळना जाल्यार कुडींत युरिक ॲसिड वाडटा. युरिक ॲसिडाची पातळी 7.0 मिग्रॅ/ डीएल परस चड जाल्यार पांयाच्या घोंट्याक खर दुखप आनी हात- पांयांत दुखप आनी हातां-पांयांक मुंयो येवंक शकता. कांय जाणांचे पांय सुजतात आनी मूत्रपिंडांत किडनी स्टोन सारके समस्या निर्माण जातात.
दुदयाचो रोस
दुदयाच्या रोसांत पोटॅशियम, कॅल्शियम, सोडियम, लोखण आनी फॉस्फरस भरपूर प्रमाणांत आसता. हें पेय घेतल्यार युरिक ॲसिडाची पातळी नियंत्रणांत उरता. हो रोस करपाक एक दुदी घेवन ताचे ल्हान कुडके करून ज्युसरांत घालून रोस तयार करात. ह्या रोसांत तुमी रुची प्रमाण मीठ आनी भाजिल्लें जिरें घालूंक शकतात.
सेलरीचो रोस
सेलरींत ओमेगा- 3 फॅटी अॅसिड भरपूर आशिल्ल्यान युरिक अॅसिड नियंत्रीत करपाक फायद्याचे थारता. सेलरींत जायते वखदी गुणधर्म आसतात आनी ताका लागून गॅस, ॲसिडिटी आनी अपचन हांचेपसून आराम मेळटा.
तुमचें युरिक ॲसिड नियंत्रणांत दवरपा खातीर दर दिसा सेलरीचो रोस पियेवचो. सेलरीचें उदक तयार करपाक एक चमचो सेलरी उदकांत रातभर भिजत दवरचें आनी सकाळीं तें गाळून पियेवचे.
तुळस, सुंठ आनी गोड खावचें
4- 5 तुळशीचीं पानां आनी गोडाचो ल्हानसो कुडको घेवन हें पेय तयार करचें. पयलीं तुळशीचीं पानां ल्हान करुन तातूंत गोड घालून बरें वाटून घेवचें.
अँटीऑक्सिडेंट गुणधर्म आशिल्ल्या सुक्या आल्याचो कुडको ल्हान करुन तांतूत घालात उपरांत एक पेलो उदकांत मिक्स करुन तें पियेवचो. सकाळीं आनी सांजवेळार हें खाशेलें पेय घेवचें हाका लागून तुमचें युरिक अॅसिड नियंत्रणांत उरतलें.
एलोवेराचो रोस
आयुर्वेद तज्ञ आनी योगगुरू बाबा रामदेव हांच्या मतान युरिक अॅसिड वाडपाचेर नियंत्रण दवरपा खातीर एलोवेराचो रोस पियेवचो. दर दिसा उपाशी पोटाचेर एक इंडियन गूसबेरी खावप आनी एलोवेराचो रोसय पियेवचो हाका लागून दुखण्यांतल्यान सुटका मेळटली.
एलोवेरा रोसांत दाहक गुणधर्म भरपूर आसतात आनी ताका लागून हाडां घट जातात. हें पेय घेतल्यार सांध्यांच्या दुखण्यांतल्यान सुटका मेळटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
