भांगरभूंय | प्रतिनिधी
मडगांव, प्रतिनिधी ः आर्ले- फातोड्डें सर्कला लागसार गाडी काडपाक सांगतकच विल्यम सुझा हांणी येरादारी पुलीस निरिक्षका कडेन वाद घालून कामात आडखळ हाडली. फातोड्डें पुलिसांनी गुन्यांव नोंद करून ताका उपरांत अटक केली.
मेळिल्ले म्हायती प्रमाण, बुधवारा सांजवेळार आर्ले सर्कला लागसार मडगांव येरादारी पुलीस निरिक्षक येरादारी नियमन करताले. रस्त्या कुशीक उबीं केल्ली कार येरादारींत आडमेळीं हाडटालीं. येरादारी पुलीस निरिक्षक संजय दळवी हांणी गाडयेचो धनी विल्यम सुझा (कुडतरी) हाका गाडी कुशीक काडपाक सांगलें. ह्याच कारणाक लागून दुबावीत विल्यम हांणी दळवी कडेन वाद घालो. तशेंच कामांत आडमेळीं हाडपाचो यत्न केलो. पुलिसांनी ह्या दुबाविताचेर सरकारी कर्मचाऱ्याच्या कामांत आडमेळीं हाडपाचो, अपमान करपाचो गुन्यांव नोंद करुन अटक केली. हे प्रकरणांत पुलीस निरिक्षक नाथन आल्मेदा हांच्या मार्गदर्शना खाला फुडलो तपास सुरु आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
