भांगरभूंय | प्रतिनिधी
नवी दिल्ली, खबरां संस्था: शेतकारांक खोस दिवपी खबर मुखार आयल्या. पीएम किसान येवजणेचो १७ वो हप्तो १८ जूनाक शेतकारांच्या खात्यांत जमा जातलो. हो प्रधानमंत्री नरेंद्र मोदी हांचे हस्तुकीं वांट्टले.
पीएम किसान सम्मान निधीची शेतकारांनी खूब तेंप वाट पळयिल्ली. प्रधानमंत्री नरेंद्र मोदी काशींतल्यान १७ व्या हप्त्याचे येवजणेचे पयशे लावार्थ्यांच्या खात्यांत घालतले. १० जून दिसा मोदी हांणी येवजणेचे फायलीचेर सय केल्ली. हे येवजणेच्या १६ व्या हप्त्यांत आतां मेरेन १२ कोटी ३३ लाखा परस चड लावार्थ्यांक ३ लाख कोटी रुपयां परस चड रक्कम वाटल्या.
आतां मेरेन केंद्र सरकारान पीएम किसानचे १६ हप्ते लावार्थी शेतकर्यांच्या खात्यांत धाडल्यात. येवजणेचो १६ वो हप्तो २८ फेब्रुवारी दिसा दिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
