भांगरभूंय | प्रतिनिधी
नवी दिल्ली, खबरां संस्था: १८वे लोकसभेचें पयलें अधिवेशन २४ जून सावन सुरू जाता. संसदीय कामकाज मंत्री किरेन रिजिजू हांणी बुधवारा ‘एक्स’ वरवीं ही म्हायती दिली. जातूंत नवे वांगडी सोपूत घेतले. हाचे वांगडा सभाघर अध्यक्षांची निवडूय जातली. राष्ट्रपती द्रौपदी मुर्मू २७ जुनाक लोकसभा आनी राज्यसभेचे जोड बसकेंत उलयतली. ३ जुलय मेरेन ह्या अधिवेशनाचें काम चालूच उरतलें.
लोकसभा वेंचणुकेक एनडीएक भोवमत मेळ्ळे उपरांत नरेंद्र मोदी हांणी तिसरे फावट सोपूत घेतलो. सेगीत तिसरे फावट प्रधानमंत्रीचो सोपूत घेवन मोदी हांणी आदले प्रधानमंत्री पंडित जवाहरलाल नेहरू हांच्या विक्रमाची बरोबरी केल्या. प्रधानमंत्री नरेंद्र मोदी हांच्या नव्या मंत्रिमंडळांत ३० कॅबिनेट मंत्री, स्वतंत्र प्रभार आशिल्ले पांच राज्यमंत्री आनी ३६ राज्यमंत्र्यांचो आसपाव आसा. तिसरे फावट प्रधानमंत्री म्हणून सोपूत घेतले उपरांत प्रधानमंत्री मोदी हांणी पीएम किसान निधीचो १७ वो हप्ता जारी करपा खातीरचे फायलीचेर सय केली. ताका लागून शेतकारांक सुमार २० हजार कोटी रुपया वाट्टले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
