भांगरभूंय | प्रतिनिधी
सगळ्यांत चड निधी उत्तर प्रदेशाक: २५ हजार ६९ कोटी ८८ रुपया
नवी दिल्ली, खबरां संस्था: प्रधानमंत्री नरेंद्र मोदी हांच्या फुडारपणा खाला राष्ट्रीय लोकशाय आघाडीच्या सरकारान राज्यां खातीर १.४ लाख कोटी रुपयांचो निधी दिला. नरेंद्र मोदी तिसरे खेपे सत्तेर आयले उपरांत तांणी घेतिल्ल्या मुखेल निर्णयां मदलो हो एक निर्णय आसा. देशांतल्या विवीध राज्यांक तांच्या करांच्या वांट्या प्रमाण १ लाख ३९ हजार ७५० कोटी रुपयांचो निधी दिला. हातूंतलो चडसो निधी उत्तर प्रदेशाक दिला. २५ हजार ६९ कोटी ८८ लाख रुपया उत्तर प्रदेशाक दिला. जाल्यार गोंयांक फकत ५३९.४२ कोटी रुपया दिल्यात.
बिहार दुसरे सुवातेर
उत्तर प्रदेशा फाटल्यान सगळ्यांत चड निधी दिल्ल्या राज्यां मदीं बिहाराचो दुसरो नंबर लागता. बिहाराक १४ हजार ५६ कोटी १२ लाख रुपया दिल्यात. तिसर्या नंबरार आशिल्ल्या राज्याक १० हजार ९७० कोटी ४४ लाख रुपया दिल्यात. केंद्रीय अर्थ मंत्रालयान अधिकृतपणान ही म्हायती दिली. प्रसारमाध्यमां खातीर ह्या राज्यांची वळेरीच जाहीर केल्या. मार्च म्हयन्यांत सादर केल्ल्या हंगामी अर्थसंकल्पांत २०२४-२५ ह्या अर्थीक वर्सा खातीर राज्यांचो केंद्रीय करांतलो वाटो १२ लाख १९ हजार ७८३ कोटी रुपया थारायला. तातुंतले आतां दुसरे फावट पयशे दिल्यात.
वट्ट रक्कम २ लाख ७९ हजार ५०० कोटी
आतां जारी केल्ल्या ह्या नव्या वितरणा उपरांत राज्यांक वाटिल्ल्या निधीची रक्कम २ लाख ७९ हजार ५०० कोटी इतली जाल्या.
खंयच्या राज्यांक कितले पयशे?
उत्तर प्रदेश : २५०६९.८८ कोटी रुपया
बिहार : १४०५६.१२ कोटी रुपया
मध्य प्रदेश : १०९७०.४४ कोटी रुपया
अस्तंत बंगाल : १०५१३.४६ कोटी रुपया
महाराष्ट्र : ८८२८.०८ कोटी रुपया
राजस्थान : ८४२१.३८ कोटी रुपया
ओडिशा : ६३२७.९२ कोटी रुपया
तामिळनाडू : ५७००.४४ कोटी रुपया
आंध्र प्रदेश : ५.६५५.७२ कोटी रुपया
कर्नाटक : ५०९६.७२ कोटी रुपया
गुजरात : ४८६०.४२ कोटी रुपया
छत्तीसगढ : ४७६१.३० कोटी रुपया
झारखंड : ४६२१.५८ कोटी रुपया
आसाम : ४३७१.३८ कोटी रुपया
तेलंगणा : २९३७.५८ कोटी रुपया
केरळ : २६९०.२० कोटी रुपया
पंजाब : २५२५.३२ कोटी रुपया
अरुणाचल प्रदेश : २४५५.४४ कोटी रुपया
उत्तराखंड : १५६२.४४ कोटी रुपया
हरियाणा : १५२७.४८ कोटी रुपया
हिमाचल प्रदेश : ११५९.९२ कोटी रुपया
मेघालय : १०७१.९० कोटी रुपया
मणिपूर : १०००.६० कोटी रुपया
त्रिपुरा : ९८९.४४ कोटी रुपया
नागालँड : ७९५.२० कोटी रुपया
मिझोरम : ६९८.७८ कोटी रुपया
गोंय : ५३९.४२ कोटी रुपया
सिक्कीम : ५४२.२२ कोटी रुपया
वट्ट रक्कम : १,३९,७५०.९२ कोटी रुपया
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
