भांगरभूंय | प्रतिनिधी
उत्तर प्रदेशांत कोणेय गुन्यांव केलो वा घर बेकायदेशीर आसल्यार बुलडोझर घालून तें मातये भरवण करपाचे प्रकार जायते फावट घडल्यात. ‘बुलडोझर बाबा’ अशें योगी आदित्यनाथ हांकां नांवूच पडलां. हापूर (उत्तरप्रदेश) हांगा एक घडणूक घडल्या. आयज सकाळीं दिल्ली – लखनौ म्हामार्गा वयल्या हापूर गांवांतल्या टोल बुथाचेर एक बुलडोझर आयलो. ताचे कडेन बुथ कर्मचाऱ्यान ‘अरे टोल दो’ अशी मागणी केली.
ताचेर बुलडोझर ड्रायव्हराचें कडलें. ताणें वेळ काडिनासतना दोनूय बुथ बुलडोझराचे मजतीन फोडून उडयले आनी तो पळून गेलो. आतां पुलीस ताका सोदतात. सांपडटकच ताचें घर बुलडोझरान मोडून उडयतात काय ना तें आतां पळोवपाचें.
व्हिडियो – एनडीटीव्हीच्या बरेपणान
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
