भांगरभूंय | प्रतिनिधी
नवी दिल्ली, खबरां संस्था : प्रधानमंत्री नरेंद्र मोदी हे आयज ९ जुनाक सांजेवेळार ६ वरांचेर सोपूत घेतले. उत्तर गोंयचे खासदार श्रीपाद नायक हांचो मंत्रिमंडळांत आसपाव निश्चीत जाला. भाजप श्रेष्ठींनी आयज सकाळीं तांकां हे विशीं कळयलां.
उत्तर गोंयच्यान सेगीत सवे खेपो जैत मेळोवन खासदार जाल्ले श्रीपाद नायक हांकां हे फावट १ लाखां परस चड मतां मेळ्ळीं. दुसरे फावट हॅट्रीक करपी नायक हे मोदींच्या फाटल्या दोनूय टर्मांत राज्यमंत्री आसले.
हे खेपो तांचो कॅबिनेट मंत्रीपदार नंबर लागपाची शक्यताय आसा. सध्याचे लोकसभेंत सगळ्यांत चड काळ खासदार आशिल्ल्यांचे वळेरेंतूय नायक हांचें नांव मुखार आसा. आदीं तांणी विवीध मंत्रालयांच्या राज्यमंत्रिपदाचो कार्यभार सांबाळ्ळा. मात आतां तांचो नंबर कॅबिनेटांत लागपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
