भांगरभूंय | प्रतिनिधी
संवसारीक क्रमवारींत पयले सुवातेर आशिल्ल्या मॅग्नस कार्लसनान नॉर्वे बुद्दीबळ सर्त जिखली. जाल्यार अमेरिकेच्या हिकारू नाकामुरा आडची मॅच बादाबाद दवरून भारताच्या आर प्रज्ञानंदान तिसरी सुवात मेळयली.
बायलांच्या गटांत चीनाची जू वेनजून हिणें वस्तादपण मेळयलें. भारताची आर वैशालीक चवथे सुवातेर समाधान मानचें पडलें.
कार्लसन आनी फॅबियाना कारुआना हांचे मदली क्लासिकल प्रकारांतली मॅच बादाबाद दवरिल्ल्यान जैतिवंत थारावपाक आर्मागेडन टायब्रेकराचो आदार घेवचो पडलो. कार्लसनाक किताबा खातीर नाकामुरा आनी प्रज्ञानंद हांचे मदीं चालू आशिल्ले मॅचीचो निकाल लागसर वाट पळोवची पडली. वस्तादपण जोडपाक नाकामुराक खंयचेय परिस्थितींत जैत गरजेचें आशिल्लें. पूण, मॅच बादाबाद उरली. ते उपरांत प्रज्ञानंदान आर्मागेडन टायब्रेकरांत जैत जोडलें.
मजगतीं, अलिरेझा फिरौझा आनी डींग लिरेन हांचे मदीं जाल्ली मॅच बादाबाद उरली. कार्लसना खातीर हें जैत म्हत्वाचें आसा. फाटल्या कांय म्हयन्यां सावन कार्लसन क्लासिकल प्रकारांत खेळूंक नाशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
