भांगरभूंय | प्रतिनिधी
म्हापशें, प्रतिनिधी ः पणजे बाजारांतले बेकायदेशीर वेवसाय बंद करपा वांगडाच काळगां जप्त केल्ल्यान तिडकीन पालिका म्हामंडळ बाजार समितीचे अध्यक्ष नगरसेवक संतोष उर्फ बन्सी सुर्लीकार हांकां धक्काबुक्की केली. ह्या प्रकरणांत पुलिसांनी मोईन रशीद नारंगी (रा. करंजाळे, तिसवाडी) ह्या केली.
ही घडणूक शुक्रारा रातच्या 8 वरांचे सुमाराक घडली. सदचे भशेन नगरपालिका कर्मचाऱ्यां वांगडा नगरसेवक संतोष सुर्लीकार बाजारांत भोंवडी मारतालो. ह्या वेळार दुबावीत मोईन नारंगी हांणे ताचे कडेन वाद घालून ताचो हात धरून ताचे कडेन धक्काबुक्की केली. तशेंच गंभीर परिणामांचीय धमकी दिली.
हाचे आदीं कागाळदार सुर्लीकार हांच्या हाजिरेंत पालिका कर्मचाऱ्यांनी दुबाविताची बाजारांतली बेकायदेशीर कामा थांबयल्ली. ते भायर ताचो काळंगांचो म्हालय जप्त केलो. ह्याच तिडकीन दुबावितान धक्काबुक्की केली.
पणजे पुलिसांनी दुबाविताक अटक केली. पुलीस निरिक्षक विजयकुमार चोडणकार हांच्या फुडारपणा खाला उपनिरिक्षक महादेव पेडणेकार फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
