भांगरभूंय | प्रतिनिधी
फोंडें, प्रतिनिधी ः फोंडें- कुर्टी बायपास रस्त्याच्या कुशीक आशिल्ल्या सहकारी पॅट्रोल पंपा मुखार मोटार आनी स्कुटरी मदीं अपघात जालो. हांतूत अजय विनोद काखरकार आनी विलास नंदा तालेकार (दोगूय रावपी उसगांव) जखमी जाल्यात.
मेळिल्ले म्हायती प्रमाण, शेनवारा सकाळीं स्कुटर कुर्टी पॅट्रोल पंपा वयल्यान मुखेल रस्त्यार येताली तेन्ना मोटारीन स्कुटरीक धपको दिलो. हातूंत स्कुटर चालक आनी ताच्या फाटल्यान बशिल्लो दोगूय रस्त्यार पडून जखमी जाले. जखमींक 108 एम्ब्युलन्सींतल्यान उपाजिल्लो हॉस्पिटलांत व्हेले. ते उपरांत स्कुटरीच्या फाटल्यान बशिल्लो अजय काखरकार हाका फुडल्या उपचारा खातीर जीएमसींत व्हेलो. फोंडें पुलिसांनी पंचनामो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
