भांगरभूंय | प्रतिनिधी
चलन धोरण समितीचे (MPC) बसकेंत घेतलें निर्णय
नवी दिल्ली, खबरां संस्था ः फास्टॅग आनी नॅशनल कॉमन मोबिलिटी कार्ड वापरप्यांक आतां रिकरिंग पेमेंट मेकॅनिझम (recurring payment mechanism) वरवीं आपल्या कार्डांत पयशें जोडूंक मेळटलें. हाचे वरवीं गिरायकाचे फास्टॅग आनी एनसीएमसींत पयशे तांणी थारायिल्ले मर्यादे परस उणे आसल्यार पयशे आपोआप जोडटले. हाका लागून प्रवास आनी मोबिलिटी संबंदीत पोमेंट करप सोंपें जातले.
शुक्रारा (7 मे) जाल्ले चलन धोरण समितीचे (MPC) बसकेंत घेतिल्ल्या निर्णयांची म्हायती दितना आरबीआयचे गव्हर्नर शक्तिकांत दास हांणी ही म्हायती दिली.
UPI Lite खातीर ऑटोमॅटिक वॉलेट रीलोड खाशेलपण सुरू
आरबीआय ई-आदेश फ्रेमवर्का खाला यूपीआय लायट वॉलेटा खातीर ऑटोमॅटिक वॉलेट रीलोड खाशेलपण सुरू करता. हातूंत, पयशे थारायिल्ले मर्यादे परस उणे आसल्यार UPI Lite वॉलेट आपोआप लोड जातलें.
सध्या UPI Lite वॉलेट वरवीं गिरायकांक 2000 रुपया मेरेन लोड करपाक मेळटा आनी दर वेव्हाराक 500 रुपया मेरेन पेमेंट करपाक मेळटा. सध्या वापरप्यांक दर खेपे पयशे सोंपतकच मॅन्युअली रीलोड करचें पडटा.
सगल्या बँकांनी आयटी-इन्फ्रांत गुंतवणूक करची
आरबीयान बँकांक तांचो वेवसाय वाडपा प्रमाण आनी आउटेज उणे करपाक आयटी मुळाव्या साधनसुविधांत फावो ती गुंतवणूक करपाक सांगलां. शक्तिकांत दास हांणी म्हणलें, ‘जेन्ना जेन्ना तंत्रीक इबाड जाता तेन्ना समस्या एनपीसीआय आनी यूपीआयची नासता, तर बँकांचीच समस्या आसता. हाका जायतीं कारणां आसात.
देखूनच सगल्या बँकांनी आयटी-इन्फ्रा हातूंत गुंतवणूक करचा असो सल्लो आरबीआयचे गव्हर्नर शक्तिकांत दास हांणी बँकांक दिलो. हाका लागून अडचणी उण्यो जावंक शकतात अशेंय तांणी म्हणले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
