भांगरभूंय | प्रतिनिधी
मडगांव, प्रतिनिधी ः कोलवा वाठारांतल्या मनुरा पॅट्रोल पंपांचेर गाडयांनी पॅट्रोल भरपाचे काम करपी मोहम्मद शाबीर मुक्तार बागवान (मुळ बेळगांव) हाणें पंपा वयली 1.13 लाख रक्कम कार्यालयांत जमा करिनासतना वैयक्तीक कामा खातीर वापरली. कागाळ केले उपरांत कोलवा पुलिसांनी दुबाविताचेर गुन्यांव नोंद केला.
मेळिल्ले म्हायती प्रमाण, कोलवेंच्या मनुरा पेट्रोल पंपाच्या दीपक नातार्डेकार हांणी कोलवा पुलिशेंत कागाळ दाखल केल्या. दुबावीत शाबीर मुख्तार बागवान हो मुळ बागवान गल्ली बेळगांवचो. पेट्रोल पंपाचेर गाडयांनी पॅट्रोल भरपाचें काम करता. दुबावीत मोहम्मद हाणें 20 मे 2024 दिसा दिसभर गाडयांनी पॅट्रोल भरले उपरांत गिरायकां कडल्यान एकठांय केल्ली 1.13 लाख रक्कम कार्यालयांत जमा करूंक ना. ही गजाल कळ्ळे उपरांत ताका हें विचारले तेन्ना ती रक्कम वैयक्तीक कामा खातीर वापरल्या अशें ताणें स्पश्ट केलें.
हें प्रकरणा विशीं कोलवा पुलिशेंत कागाळ नोंद जाले उपरांत दुबावीत बागवान हांचे आड गुन्यांव नोंद केलो. ह्या प्रकरणाची पुलीस निरिक्षक पडवळकार हांच्या फुडारपणा खाला बायल पुलीस उपनिरिक्षक नायक देसाय फुडली चवकशी करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
