भांगरभूंय | प्रतिनिधी
दिवचलः दिवचल म्हालांतले विवीध व्हाळ आनी न्हंयेक जोडपी उपव्हाळांतलो चिखल काडपाचें काम पुराय जायत आयलां. उदकास्रोत खात्या वतीन चिखल काडप तशेंच नितळसाण करतात, अशी म्हायती कार्यकारी अभियंते के. पी. नायक हांणी दिली.
दिवचल, सांखळी, मयें, व्हाळवट, सुपाची पूड, सुर्ला व्हाळ, कुडणें न्हय वाठारांत सांचिल्लो चिखल विशेश मशिनां घालून व्हाळ नितळ केल्यात. ह्या वावरा खातीर उफेवपी मशिनां वापरिल्लीं. म्हालांतले विवीध बांदांच्यो फळयो काडून उक्ते केल्यात. कांय कडेन अजून काम चालू आसा. पावसाळ्यांत सगळे तरेची सुरक्षा घेवचे खातीर गरजेचीं कामां हातांत घेवन तीं पुराय करतात, अशें अभियंते नरेश पोकळे आनी विनोद भंडारी हांणी स्पश्ट केलें. सांखळी व्हाळवाट देगेर पंपींग स्टेशन दुरुस्ती कशेंच विवीध वाठारांत उदकाचो विलो लागचो हाची खबरदारी घेतल्या, अशें अधिकाऱ्यांनी सांगलें. खात्याच्या अभियंत्यांनी शुक्रारा विवीध सुवातांचेर भेट दिवन नियाळ घेतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
