भांगरभूंय | प्रतिनिधी
मे म्हयन्यांत ५१९ कोटींची जीएसटी येणावळ
पणजी, प्रतिनिधी : फाटल्या वर्सा मे म्हयन्याचे तुळेंत अंदुच्या मे म्हयन्यांतली जीएसटी येणावळ १ टक्क्यान देंवल्या. मे २०२३ वर्सा राज्याची जीएसटी येणावळ ५२३ कोटी आशिल्ली. अंदुंच्या मेंतली येणावळ ५१९ कोटी रुपया आसा. हो घट १ टक्के आसा. एप्रीलाची राज्याची जीएसटी येणावळ ७६५ कोटी आशिल्ली.
केंद्रीय अर्थ मंत्रालयान मे म्हयन्यांतले जीएसटी येणावळ आंकडेवारी जाहीर केल्या. पुराय देशांतली येणावळ १.७३ लाख कोटी रूपया आसा. फाटल्या वर्साचे मे म्हयन्याचे तुळेंत येणावळ १० टक्के वाडल्या. गोंयची मात उणी जाल्या. महाराष्ट्र आनी कर्नाटक ह्या लागसारच्या राज्यांतली येणावळ वाडल्या.फाटल्या मे म्हयन्याचे तुळेंत महाराष्ट्राची येणावळ १४ टक्के जाल्यार कर्नाटकची येणावळ १५ टक्क्यांनी वाडल्या. गोंयां सयत चंडिगढ, सिक्किम, अरूणाचल प्रदेश, नागालँड, त्रिपुरा, मेघालय, लक्षद्वीप, लडाख ह्या वाठारांची जीएसटी येणावळ उणी जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
