भांगरभूंय | प्रतिनिधी
न्युयॉर्क, खबरां संस्था: अमेरिकेंत पयलेच फावट १६ मार्चाक किडनी फेल जाल्ल्यान एके व्यक्तीच्या शरीरांत दुकराची किडनी ट्रान्सप्लांट केली. उपरांत १२ एप्रिलाक अमेरिकेंतले एके बायलेक दुकराची किडनी ट्रान्सप्लांट केली.
ह्या दोनूय घडणुकांची संवसारभर चर्चा जाली आनी तांचें ‘मेडिकल माइलस्टोन’ म्हणून वर्णन जालें. मात, ह्या दोनूय घडणुकांनी कांय काळा उपरांत निरशेणीच आयली. पयले घडणुकेंत दोन म्हयन्यां उपरांत ते व्यक्त्तीक मरण आयलें. जाल्यार दुसरे घडणुकेंत वट्ट ४७ दिसांनी दोतोरांनी बायलेचे कुडींतल्यान ट्रान्सप्लांट केल्ली किडणी काडली.
न्यूयॉर्कांत लँगोन ट्रान्सप्लांट इन्स्टिट्यूटच्या दोतोरांनी सांगलें, दुयेतींच्या काळजाक जाय तशी रगताची पुरवण जायना. ताका लागून ताची नवी किडणी पिड्ड्यार जाल्ली. ताका लागून ती काडपाचो निर्णय घेतलो.
दोतोरांच्या मतान, लिसाची प्रकृती आजुनूय सामान्य आसा. खरें म्हळ्यार दुकराची किडनी लिसाच्या शरीरांत ट्रान्सप्लांट करचे पयलीं ४ एप्रिलाक तिचेर यांत्रीक काळजाचो पंप बसयल्लो. यात्रीक काळजाच्या पंपान मनशांत अवयव ट्रान्सप्लांट करपाची ही पयलीच घडणूक आशिल्ली.
पयलेच खेपेक रिचर्ड स्लेमन हाका दुकराची किडनी ट्रान्सप्लांट केल्ली. मार्चांत ६२ पिरायेच्या रिचर्ड रिक स्लेमन हांकां अमेरिकेंतल्या मॅसॅच्युसेट्सांत दुकराची किडनी घाल्ली. मात दोन म्हयन्यांनी ताका मरण आयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
