पिर्ण, शिवोले उजो लागपाच्यो घडणुको: २ लाखांचें लुकसाण
भांगरभूंय | प्रतिनिधी
म्हापशें, प्रतिनिधी ः पिर्ण आनी शिवोले गुदांव आनी फ्लॅटाक उजो लागून सुमार २ लाखांचें लुकसाण जालें. म्हापशें उजो पालोवपी दळाच्या जवानांनी उजो नियंत्रणांत हाडिल्ल्यान हेर मालमत्ता वाटावली.
केळीत, पिर्ण हांगच्या श्री पांडुरंग मंदिरा लागसारा देवू सावंत हांच्या लाकडाचें सामान आनी जोळोव दवरिल्ल्या गुदांवाक उजो लागलो. ही घडणूक बिरेस्तारा सकाळीं सुमार ६.५५ वरांचेर घडली. सावंत कुटूंबियांनी उदक गरम करपा खातीर गुदांवांतले चुलींत उजो घातिल्लो. हो उजो चुली कुशीक दवरिल्ल्या जोळवाक लागली आनी उजो सगळ्या गुदांवाक पातळ्ळो.
हे घडणुकेची म्हायती मेळटांच म्हापशें उजो पालोवपी दळाचे उपअधिकारी प्रकाश कान्नायक आनी वांगड्यांनी घडणुके सुवातेर येवन उजो पालयलो. मात तो मेरेन गुदावांत दवरिल्लीं कांय मदेराचीं लाकडां आनी हेर सामान जळून गोबोर जालें. हातूंत १ लाखांचें लुकसाण जालें जाल्यार सुमार देड लाखांचो माल उजो पालोवपी दळाच्या जवानांनी वाटायली.
कुडाल, शिवोले हांगा ल्फॅटाक उजो
दुसरी घडणूक आयज दनपरां सुमार १.४५ वरांचेर कुडाल, शिवोले हांगच्या थिएटर वाठारांत घडली. नेबर ऍटलांटीस हे इमारतीचे दुसरे माळयेर निओलीन आल्मेदा हांच्या फ्लॅटांत उजो पेटलो. ह्या फ्लॅटांत अनिशा चौहाण हांचें कुटूंब भाड्याक रावता.
फ्लॅटाच्या एसी संचा मदीं शॉर्टसर्किट जावन ह. उजो पेटलो. उजो लागतांच चौहाण कुटूंबियांनी फ्लॅटांतल्यान भायर धांव मारली. उपरांत उजो पालोवपी दळाक कळयलें. तशेंच इमारतींतल्या हेर लोकांनीर सुरक्षीत सुवातेर धांव मारली.
म्हापशें उजो पालोवपी दळाचे हवालदार शरद गांवस हांच्या नेतृत्नवा खाला जवानांनी उजो पालयलो. ह्या उज्यांत एसी, व्यायाम सायकल मशीन, टीव्ही आनी हेर सामान मेळेन लाखांचें लुकसाण जालें. जाल्यार हेर मालमत्ता उजो पालोवपी दळाच्या जवानांनी वाटयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
