भांगरभूंय | प्रतिनिधी
नवी दिल्ली, खबरां संस्था: लोकसभा वेंचणुकेंत एनडीएच्या जैता उपरांत नरेंद्र मोदी ८ जुनाक सेगीत तिसरे खेपे प्रधानमंत्री पदाचो सोपूत घेतले. ह्या सुवाळ्या खातीर शेजारच्या देशांतल्या फुडार्यांक आमंत्रण धाडलां.
हातूंत श्रीलंकेचे अध्यक्ष रानिल विक्रमसिंघे, बांगलादेशाची प्रधानमंत्री शेख हसीना, नेपाळचे प्रधानमंत्री प्रचंड आनी मॉरिशस आनी भुतानच्या फुडार्यांचो आसपाव आसा. श्रीलंकेच्या राष्ट्रपतींच्या मीडिया विभागानूय हाका तेंको दिला.
ते प्रमाण, अध्यक्ष विक्रमसिंघे हांणी बुधवारा वेंचणूक जिखिल्ले खातीर प्रधानमंत्री मोदींक परबीं भेटोवपाक फोन केल्लो. ह्या कॉला मजगतीं मोदी हांणी तांकां हाजीर रावपाचें आमंत्रण दिलें. बांगलादेशाच्या प्रधानामंत्र्या कडेन फोनार जाल्ल्या उलोवपा मोदींनी तांकां हे कार्यावळीक आपयले. अमेरिकेचे अध्यक्ष ज्यो बायडेन, रशियेचे अध्यक्ष पुतीन हांणी प्रधानमंत्री मोदी हांकां फोन करून परबीं भेटयली.
नेपाळचे प्रधानमंत्री प्रचंड हांणीय मोदी हांकां परबीं भेटयलीं.
भारताच्या शेजारी देशांच्या फुडार्यां बगर रशियाचे अध्यक्ष पुतीन, अमेरिकेचे राष्ट्राध्यक्ष बायडेन, ब्रिटनाचे प्रधानमंत्री ऋषी सुनक, मालदीव, फ्रान्सचे राष्ट्राध्यक्ष, इस्रायल आनी जपानाचे प्रधानमंत्री हांचे सयत ९० परस चड फुडार्यांचो आसपाव आशिल्लो. सगळ्यांनीच प्रधानमंत्री मोदी हांकां परबीं भेटयलीं. तशेंच भारता वांगडची भागीदारी मुखार व्हरपाची आस्त उक्तायली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
