भांगरभूंय | प्रतिनिधी
संवसारीक टी-20 सर्तींत आयज सी गटांत पापुआ न्यू गिनी (पीएनजी) आनी युगांडा ह्या पंगडां मदीं मॅच जातली. दोगूय पंगडांक पयले मॅचींत हार घेवची पडल्या. ताका लागून आयची मॅच जिखून जैताचें खातें उगडपाक दोनूय इत्सूक आसतले. हे पंगड 2022तले संवसारीक टी-20 सर्तींत एकामेका आड खेळ्ळ्यात. त्या वेळार पीएनजी पंगडान 8 विकेटींनी व्हड जैत जोडिल्लें.
सायमन सेसाजी युगांडाचो मुखेल बॅट्समन आसा. ताणें 2022तले संवसारीक टी-20 सर्ती उपरांत टी-20 प्रकारांत सगल्यांत चड 1201 धांवड्यो केल्यात. तशेंच स्पिन बॉलींग युगांडाची ताकद आसा. दुसरे पीएनजीचो टोनी उरा उत्कृश्ट बॅट्समन आसा. पीएनजीन क्वॉलिफायर सयत दोन म्हत्वाच्यो सर्ती जिखल्यात. तातूंत टोनीचें म्हत्वाचें योगदान आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
