भांगरभूंय | प्रतिनिधी
नरेंद्र मोदी ८ जूनाक तिसरे खेपे प्रधानमंत्री म्हणून सोपूत घेवपाची शक्यताय
नवी दिल्ली, खबरां संस्था: लोकसभा वेंचणूक २०२४ त एनडीएक भोवमत मेळ्ळां आनी प्रधानमंत्री नरेंद्र मोदी तिसरे खेपे प्रधानमंत्री. एनडीएन सरकार घडोवपाची चळवळ सुरू केल्या. नरेंद्र मोदी ८ जून दिसा तिसरे खेपे प्रधानमंत्री म्हणून सोपूत घेवपाची शक्यताय आसा. ते प्रमाण एनडीएन पावलां उबारपाक सुरवात केल्या. तशेंच नरेंद्र मोदी हांणी आयज (५ जून) प्रधानमंत्री पदाचो राजिनामो दिला. राष्ट्रपती द्रौपदी मुर्मू हांणी प्रधानमंत्री मोदीचो राजिनामो मान्य केला. आतांच्यान मोदी काळजी घेवपी प्रधानमंत्री म्हणून जापसालदारकी सांबाळटले.
प्रधानमंत्री नरेंद्र मोदी हांणी राष्ट्रपती भवनांत प्रवेश करून प्रधानमंत्रीपदाचो राजिनामो राष्ट्रपती द्रौपदी मुर्मू हाचे कडेन दिलो. राष्ट्रपती मुर्मू हांणी हो राजिनामो मान्य केला आनी आयच्यान मोदी देशाचे काळजीदार प्रधानमंत्री म्हणून पदाचेर उरतले. एनडीएचे बसके पयलीं लोकसभा भंग करपाची औपचारीक म्हायती दिवपा खातीर प्रधानमंत्री मोदी राष्ट्रपती भवनांत दाखल जाल्ल्याचें समजता.
शुक्रारा (७ जून) दनपरां २.३० वरांचेर एनडीए खासदारांची बसका संसद घरांत जातली अशेंय सुत्रांनी सांगलां. हे बसकेक मुख्यमंत्री, उपमुख्यमंत्री आनी एनडीए सत्तेच्या राज्यांतल्या वेगवेगळ्या पक्षांचे अध्यक्ष हाजीर आसतले. दुसर्या दिसा म्हळ्यार ८ जून दिसा नरेंद्र मोदी सेगीत तिसरे खेपे प्रधानमंत्री म्हूण सोपूत घेवंक शकतात. सोपूत घेवपाचो सुवाळो सांजवेळा ७ ते ८ वरां मजगतीं जावंक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
