भांगरभूंय | प्रतिनिधी
हवामान इबाडिल्ल्यान घडली घडणूक
सहस्त्रताल, खबरां संस्था: सहस्त्रतालच्या ट्रेकिंगाक गेल्ल्या २२ वांगड्याच्या ट्रेकिंग पंगडा मदल्या ८ जाणांक वायट हवामानाक लागून मरण आयिल्ल्याची म्हायती मेळ्ळ्या. उरिल्ले १४ ट्रेकर आडकून पडल्यात. हे घडणुकेची म्हायती प्रशासनाक मेळ्ळ्या उपरांत तांणी पंगड धाडून आडकून उरिल्ल्या ट्रेकर्सांक वाटायले.
वायुसेने वतीन सोडवणूक कार्य सुरू
आडकून उरिल्ल्या ट्रेकर्सांक आनी मरण आयिल्ल्या ट्रॅकर्सांच्यो कुडी सोदपा खातीर जिल्हो दंडाधिकार्यान वायुसेने वरवीं हेली रेस्क्यू ऑपरेशन करपाची मागणी केल्ली. बेपत्ता जाल्ल्या ट्रेकर्सांचो सोद घेवपा खातीर वायुसेनेन बचाव कार्य सुरू केलां. जिल्हो प्रशासनाचे मागणी प्रमाण वायुसेनेचीं दोन चेतक हॅलिकॉप्टरां तैनात केल्यात. हाचे वांगडाच जिल्होधिकारी हांणी हेर वरिश्ठ अधिकार्यां सयत राज्य आपत्ती वेवस्थापन सचीव रणजीत सिन्हा हांकां हे घडणुकेची म्हायती दिल्या.
आठ जाणांक मरण
मेळिल्ले म्हायती प्रमाण, हातूंत कर्नाटकांतले १८ वांगडी, महाराष्ट्रांतलो १ आनी ३ थळाव्या ट्रॅकर्सांचो आसपाव आसा. हे सगळे सहस्त्रताल हांगा ट्रेका खातीर गेल्ले. सगले ७ जून मेरेन परतपाचे आशिल्ले. अचकीत हवामान इबाडिल्ल्यान टीम थंय आडकली. थंय योग्य वेवस्था नाशिल्ल्यान ट्रॅकर्सांक पुराय रात थंडेन काडची पडली. थंडेक लागून ८ ट्रेकर्सांक मरण आयलें. टिमीक ट्रॅकाक घेवन वचपी ट्रॅकिंग एजन्सीच्या धनयान तांच्या संस्थेच्या अधिकार्याक ट्रॅकर्सच्या मरणाची म्हायती दिल्या.
६ ट्रेकर्सांची सुटका
सहस्त्रतालांत आडकल्ल्या कर्नाटकाच्या ६ ट्रेकर्सांक सोडयले. हातूंत सौम्या (३७), विनय (४७), शिव ज्योती, सुधाकर बीएस नायडू (६४), सुमृती (४०), सीना (४८) हांचो आसपाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
