भांगरभूंय | प्रतिनिधी
हरमल, बातमीदार: मदलोवाडो, हरमल ते केरी रस्त्या कडल्या पेट्रोलपंप तशेंच बँक ऑफ इंडिया लागसारा गटार नाशिल्ल्यान पावसाचें उदक रस्त्या वयल्यान व्हांवता. ताका लागून ह्या रस्त्याचेर उदका सयत माती, फांतर, शेकरो, कोयर आयिल्ल्यान वाहन चालकांनी तिडक उक्तायल्या.
हांगा सुमार एक किलोमीटराच्या अंतराचेर गटार सुविधा नाशिल्ल्यान दरवर्सा सगळी माती व्हांवून रस्त्यार येता. ताका लागून येरादारीक आडखळ निर्माण जाता. मातयेक लागून फोंडकुलां जाल्यांत. तातूंत उदक सांठून उरता. वाहन चालक नेटान गाडी चलयल्ल्यान ते बुरशे उदक हेरांचेर उसळटा.
जमनी पोंदच्यान गटार बांदप शक्य
ह्या मार्गावेले येरादारीची समस्या लक्षांत घेवन रस्तो रूंद करप शक्य ना. मात पावसांतली स्थिती लक्षांत घेतल्यार हांगा जमनी पोंदच्यान गटारांची वेवस्था केल्यार उदक वचपाक उपेगी थारतलें, अशें मत ग्रामस्थांनी उक्तायलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
