भांगरभूंय | प्रतिनिधी
नवी दिल्ली, खबरां संस्था : कोणाक परदेशांत वचपाक आवडचेंना. कुटुंबा वांगडा वा सांगात्या सयत परकी देशाचे सोबितकायेचो अणभव घेवप ही सगळ्यांत उमेदीची गजाल. मात परदेशांत वचून कसलोच त्रास जायनासतना भोंवडेची उमेद घेवप म्हणल्यार पयलीं टूर पॅकेज बुक करचें पडटलें. आतां हेर पॅकेजी पळोवचे परस भारतीय रेल्वेच्या (IRCTC) फॉरेन टूर पॅकेजी विशीं विचार करात. कारण हे पॅकेजींत तुमकां सगळ्यो बर्यो सुविधा मेळटल्यो. हाचे भायर खाशेली गजाल म्हळ्यार परदेशांत भोंवतना तुमकां मार्गदर्शकय मेळटलो. देखून खंयचेय सुवातेर गेल्यार थंयचें खाशेलपण आनी थंयची भास समजून घेवपाक मदत जातली.
टूर पॅकेजींत आसात ह्यो सुविधा
तुमी जर भारतांतल्या खंयच्याय भागांतल्यान जर भोंवडेर वचपाक सोदतात जाल्यार तुमकां पयलीं जंय फ्लायट तिकेटी उपलब्ध आसात थंय येवचें पडटलें. कारण फकत विमानानूय परदेशांत वचप शक्य आसा.
उपरांत, पॅकेजीची तिकेट बूक करतना, पॅकेज तुमच्या वाठारांतल्यान आसा काय ना हें पळोवचें पडटलें. कारण दरेक परदेशी टूर पॅकेज विंगड विंगड भागांतल्यान सुरू जाता. तुमकां पयलीं थंय वयचें पडटलें.
दरेके पॅकेजींत जेवणाची सुविधा ना. अश्यो जायत्यो पॅकेजी आसात ज्यो फकत दनपारचें जेवण आनी सकाळची च्या दितात. अशे परिस्थितींत तुमकां स्वता जेवणाची वेवस्था करची पडटली. पॅकेज फींतूय ही सुविधा दिना. चडश्या पॅकेजींनी प्रवाशांक फकत थ्री स्टार हॉटेलांनीच आस्पावन घेतात. जर तुमकां ५ स्टार हॉटेलांनी रावपाचें आसल्यार, ते खातीर तुमकां वेगळें शुल्क घेवचें पडटलें.
एसी बसीची सुविधा
जायत्या पॅकेजींनी, तुमकां वेगवेगळ्या सुवातांक भेट दिवपा खातीर शुल्क भराचें पडटा. जर तुमी अशे सुवातेर गेलीं जंय प्रवेश शुल्क लागता जाल्यार तुमकां ती फी वेगळी दिवची पडटली.
परदेशांत पावले उपरांत पॅकेजींतले मार्गदर्शक तुमकां विमानतळार मेळपाची शक्यताय आसा. तुमकां भारतीय रेल्वेच्या अधिकृत वेबसायटीचेर हे विशीं म्हायती मेळटली.
आपले आवडी प्रमाण कितें खावचें हाची निवड करपाक मेळची ना. मेनू पयलींच थारायतले. तुमी हॉटेलांत जर आनीक कूड घेतल्यार ते खातीर तुमकां वेगळे पयशे दिवचे पडटले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
