भांगरभूंय | प्रतिनिधी
प्लास्टिकाच्या वापराक लागून भलायकेचेर बरेच वायट परिणाम जाता. ताका लागून भिरांकूळ दुयेंसा जावपाची शक्यताय आसता. प्लास्टिकच्या कंटेनराचो दर्जो राखपा खातीर नंबर कोड दिल्यात. तांचे मजतीन आमी जाणून घेवपाक शकतां, खंयच्या कंटेनराची गुणवत्ता जेवण राखपाचे नदरेन आमचे भयलायकेक लुकसाण करपाक शकना आनी खंयचे माल पाडपाक शकता. हे विशीं जाणून घेवया:
आंकडो म्हत्वाचो
प्लास्टीक डब्या फाटल्यान एक नंबर बरयल्लो आसता, जो खूब म्हत्वाचो. हो रिसायकल क्रमांक, म्हळ्यार तातूंतल्यान डब्याचो दर्जो दाखयता. ३, ६ वा ७ क्रमांक बरयल्लो खंयचोय डबो खूब जतनायेन वापरचो. कारण हे डबे तापल्यार भलायकेक वायट अशे पदार्थ सोडटात.
एकदांच वापरचे अशे डबे
जेवण-खाणां खातीर प्लास्टीकचीं आयदनां विकतीं घेवचे पयलीं क्रमांकाचेर लक्ष दिवप खूब गरजेचें. डब्या फाटल्यान त्रिकोणी आकाराच्या बॉक्सांत जर एक बरयल्लें आसल्यार ताचो अर्थ तो डबो फकत एकदांच वापरपाचो आसता. एकापरस चड वेळ वापरल्यार कुडीक माल थारूंक शकता.
रियुजेबल डब्यांची वळख
घरांत प्लास्टीकाचो वापर टाळपाचो कितलोय यत्न केलो तरी केन्ना केन्नाय ताची गरज लागता. तेन्ना जर तुमकां प्लास्टीकाचे डबे परत वापरपा खातीर घेवपाचे आसल्यार डब्या फाटल्यान आसपी एका चौकटांत २,४,५ अशें नंबर बरयल्ले आसतले. ह्या क्रमांकाचीं प्लास्टीकचीं आयदनां परत वापरपाक मेळटात. असले डबे भलायकेक माल न्हय.
फ्रिज आनी स्टोरेजरपा खातीर डबे
तुमी फ्रीझरांत वापरपाक प्लास्टीक डबे विकत घेतात जाल्यार, आयदनांचेर फ्रीझर सुरक्षीत अशें लेबल आसता काय ना तें बारीकसाणेन तपासात. तेभायर फाटल्यान कप आनी कांट्याचे चिन्न आशिल्लें बॉक्स जेवण सांठोवपा खातीर वापरूं येता.
मायक्रोवेवा खातीर प्लेट
मायक्रोवेव्ह सुरक्षीत पदार्थ घेवपाचे आसल्यार सकयल रिपल चिन्न आशिल्ले पदार्थ विकतें घेयात. कारण हें चिन्न आयदण मायक्रोवेव्ह सुरक्षीत आसा अशें दाखयतात. तशेंच आयदनाचेर उदक आसल्यार तें आयदण ‘डिशवॉशर’ सुरक्षीत आसा अशें सांगता. देखून डिशवॉशराक विकतें घेवंक मेळटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
