भांगरभूंय | प्रतिनिधी
नवी दिल्ली, खबरां संस्था ः देशांत उश्णताय वाडपा वांगडाच ऑनलायन विक्रींत व्हड प्रमाणांत वाड जाल्या. खर उश्णताय टाळपा खातीर लोक घरांत रावपाक पसंत करतात देखून ऑनलायन खरेदींत चड वाड जाल्या. ऑनलायन ऑर्डरांत आइसक्रीम, लस्सी, ज्यूस आनी कोल्ड ड्रिंक, यूएसबी फॅन, सनग्लासेस हांकां चड मागणी आसा. पुस्तकां, खेळां संबंदीत वस्तू आनी बिस्कुटा सारकिल्ल्या स्नॅक्स ऑर्डरांतय व्हड प्रमाणांत वाड जाल्या. फाटल्या म्हयन्यांत स्विगी इन्स्टामार्टांत एप्रीलाच्या तुळेंत कोल्ड ड्रिंक आनी ज्यूसाची मागणी 28% वाडल्या आनी आइसक्रीम ऑर्डरांत 43% वाड जाल्या. तातूंत फळांच्या आइसक्रीमाचे ऑर्डरीक चड पसंती आशिल्ली. ऑनलायन कोल्ड ड्रिंक विक्रींतय 33 टक्क्यांनी वाड जाल्या. फाटल्या दोन सप्तकांत ही विक्री आनीक वाडल्या.
आइसक्रीमाक सगळ्यांत चड मागणी
स्विग्गी इंस्टामार्टांत मे म्हयन्यांत थंड पेयां आनी ज्यूसाची मागणी 28% वाडली जाल्यार आइसक्रीम ऑर्डरांत 43% वाड जाल्या. अमेझॉन फ्रेश इंडियान फाटल्या वर्साच्या तुळेंत आइसक्रीम आनी डेरी पेयांची मागणी 43 टक्क्यांनी वाडल्या. मीशोन उदकाच्यो बाटल्यो, सनग्लासेस, यूएसबी पंखे, आइस रोलर्स, सनस्क्रीन, आइस क्यूब ट्रे, शॉर्ट्स आनी कॅप्स हांची ऑर्डर 30 टक्क्यांनी वाडली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
