भांगरभूंय | प्रतिनिधी
मुझफ्फरपूर, खबरां संस्था : एका १२ वर्सां पिरायेच्या चल्याचो खून करून ताची कूड झाडाक हुमकळयल्ल्याची भिरांकूळ घडणूक हालींच बिहारांतल्या मुजफ्फरपूर हांगा घडली. ह्या चल्यान कांय दिसां पयलीं केल्ले चोरयेंतल्यान ताचो खून जाल्ल्याचो दुबाव ताचे आवयन उक्तायला.
जैतपूर पुलीस स्टेशनाचे हद्दींतल्या दुबियाही गांवांतली ही घडणूक. ह्या चल्याची कडू झाडा हुमकळिल्ले अवस्थेंत सांपडली. विवेककुमार मकेश्वर महतो अशें ताचें नांव. ताचे ९०० रुपया चोरिल्ल्याचो आरोप आशिल्लो. पंचायतींत विवेक हाणें णवशें रुपया चोरिल्ल्याची कबुलीय दिल्ली.
उपरांत चोरिल्ले पयशे परत करतां, अशें त्या चल्याच्या बापायन पंचायती मुखार सांगिल्लें. ते प्रमाण कांय दिसांनी ताचो बापूय पयशे परत दिवपाचो आशिल्लो. मात पंचायतींत हें मान्य केल्या उपरांत तेच राती कडेन विवेक बेपत्ता जाल्लो. एका झाडाक हुमकळिल्ले अवस्थेंत ताची कूड सांपडली.
हे विशीं म्हायती मेळटांच पुलीस घडणुके सुवातेर दाखल जाले. पुलिसांनी रोखडीच ताची कूड ताब्यांत घेतली आनी पोस्टमार्टमा खातीर धाडली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
