भांगरभूंय | प्रतिनिधी
उत्तर गोंयांत श्रीपाद नायक हांकां जैत
पयलीं उत्तर गोंयच्या सगळ्या मतदारांचे उपकार आटोवन श्रीपाद नायक हांणी म्हणलें, उत्तर गोंयचे जनतेच्या आशिर्वादान म्हाका डबल हॅट्रीक करप शक्य जालें. लोकांची आनी मतदारसंघांची उदरगत हें म्हजें ध्येय. हांवें पक्षा कडेन कसलेंच मंत्रीपद मागूंक ना. पक्ष दितलो ती जापसालदारकी घेवपाक हांव तयार आसां.
दक्षीण गोंयांत कॉंग्रेसीचे विरियातो फर्नांडीस जैताचे वाटेर आसतना भाजपान परतून मतमेजणी करपाची मागणी केली. फोंडें, दाबोळे, शिरोडें, कुंकळ्ळ्यां पल्लवी धेंपो, जाल्यार नुवें, बाणावले, कुडतरे विरियातो फर्नांडीस मुखार. १३ हजार मतांची मेजणी उरल्या. विरियातो २०,९५० मतांनी मुखार.
सकाळीं १२ मेरेन
विरियातो फर्नांडीस १८,३४१ मतांनी मुखार. विरियातो हांकां १,९२,७२३ मतां आनी पल्लवी धेंपो हांकां १,७४,३८२ मतां. आतां मेरेन ३,९१,५१२ मतमेजणी.
भाजपाचे श्रीपाद नायक 83,729 मतांनी मुखार. श्रीपाद नायक हांकां 1,89,701 मतां जाल्यार काँग्रेसीचे रमाकांत खलप हांकां 1,05,972 मतां. आतां मेरेन 3,38,491 मतमेजणी.
सकाळीं ११ वरां मेरेन
दक्षीणेक विरियातो फर्नांडीस हे ९,५९१ मतांनी मुखार आसात. तांकां १,३४,४३० मतां आनी पल्लवी धेंपो हांकां १,२४,८३९ मतां मेळ्ळ्यांत. आतां मेरेन २ लाख ७६ हजार मतमेजणी.
श्रीपाद नायक ५५,६९९ मतांनी मुखार आसात. श्रीपाद नायक हांकां १,३०,६८८ मतां जाल्यार कॉंग्रेसीचे रमाकांत खलप हांकां ७४,९८९ मतां मेळ्ळ्यांत. उत्तरेक आतां मेरेन २,३५,५५२ मतमेजणी.
सकाळचीं १० वरां
दक्षीणेक विरियातो फर्नांडीस ५८८६ मतांनी मुखार. विरियातो हांकां ३९४७३ मतां, जाल्यार पल्लवी धेंपो हांकां ३३५८७ मतां.
उत्तरेक भाजपाचे श्रीपाद नायक २६,४१४ मतांची मुखार. नायक हांकां ५५,९९२, जाल्यार कॉंग्रेसीचे रमाकांत खलप हांकां २९,५७८ मतां.
पणजी: आयज सकाळ सावन लोकसभा वेंचणुकेच्या निकालाक सुरवात जाल्या. उत्तर गोंयचेत भाजपाचे श्रीपाद येसो नायक आनी कॉंग्रेसीचे ऍड. रमाकांत खलप हांचे मदीं सध्या श्रीपाद भाऊ मुखार आसात. जाल्यार दक्षीण गोंयांत कॉंग्रेसीचे विरीयातो फर्नांडीस हे मतांनी भाजपाची पल्लवी धेंपो हांचे परस मुखार आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
