फोमेंतो कंपनी वतीन ‘फोमेंतो स्कॉलर्स’ उपक्रम

भांगरभूंय | प्रतिनिधी

-गुणेस्त विद्यार्थ्यांक उच्चपांवड्यार अभियांत्रीकी शिक्षणाची संद

मडगांवः फोमेंतो कंपनी वतीन ‘फोमेंतो स्कॉलर्स’ उपक्रम राबयतात. ह्या उपक्रमा खाला राज्यांतल्या गुणेस्त विद्यार्थ्यांक उच्चपांवड्यार अभियांत्रीकी शिक्षणाची वेवस्था करून दितात. 2024-25 ह्या शिक्षणीक वर्सा खातीर इकरावी विज्ञान फांट्यांत प्रवेश घेतिल्ल्या आनी धावेंत 85 टक्के गूण मेळयिल्ल्या इत्सूक विद्यार्थ्यांनी उच्च शिक्षणा खातीर मजत जाय आसल्यार तांणी www.fomentoscholar.org ह्या संकेतस्थळाचेर नावनोंदणी करची, अशें आवाहन केलां.

इकरावी विज्ञान फांट्यांत शिक्षण घेतिल्ल्या विद्यार्थ्यांक बारावी उपरांत यूएसएंतल्या एसडीएसएमटी ह्या अभियांत्रीकी आस्थापनांत प्रवेश मेळचो, हे खातीर ‘फोमेंतो स्कॉलर्स’ उपक्रमा वरवीं मजत करतात. ह्या उपक्रमाची सुरवात 2014 वर्सां पसून केल्या. आतां मेरेन ह्या उपक्रमा खाला 30 विद्यार्थ्यांनी यूएसएंतल्या एसडीएसटींत शिक्षण घेतला. हातूंत चल्या सयत चलयांचोय आस्पाव आसा. एसडीएमटी ही शिक्षण संस्था बऱ्या अभियांत्रीकी शिक्षणा खातीर फामाद आसा. हातूंत भुरग्यांच्या सर्वांगी उदरगतीचेर लक्ष दितात. थंय विद्यार्थ्यांक इटर्नशीपची संद मेळटा. शिक्षण घेतनाच गुगल, फेसबूक, मायक्रोसॉफ्ट, अॅमेझान, लिफ्ट, फ्रीपोर्ट मॅकमोरन ह्या सारक्या उत्कृश्ठ कंपनी वांगडा काम करपा सयत बरे उत्पन्नूच मेळटा. पदवीचे शिक्षण पुराय केले उपरांत बऱ्या कंपनींत व्हड पगारा सयत कामाची संद मेळटा. फोमेंतो स्कॉलर्स खातीर विद्यार्थ्यांच्या शिक्षणीक गुणवत्ते सयत तांची ज्ञान मेळोवपाची वृत्तीय पळयतात.

येवजणे खातीर पात्रताय

– विद्यार्थी गोंयांतल्या आनी एसडीएसएमटींत वचपाक इत्सूक आसचो.

-विद्यार्थ्यांन धावेंत 85 टक्के गूण मेळयिल्ले आसचे.

-ताणें गोंयांत 2024-25 ह्या शिक्षणीक वर्सा खातीर इकरावी विज्ञान फाट्यांत प्रवेश घेतिल्लो आसचो.

-पात्र विद्यार्थ्यांन www.fomentoscholar.org ह्या संकेतस्थळाचेर नोंदणी करची.

-नांवनोंदणे उपरांत निवडी विशींची आनी हेर म्हायती विद्यार्थ्यांक तांच्या ई-मेलीचेर धाडटले.

विद्यार्थ्यां खातीर भागराळी संद

इकरावी विज्ञान फांट्यांत शिक्षण घेवपी विद्यार्थ्यांनी विदेशांतल्या बऱ्या संस्थेंत उच्च शिक्षण घेवपाच्या ह्या भांगराळ्या संदीचो लाव घेचो. बारावी पास जाले उपरांत विदेशांत बरे संस्थेंत उच्च शिक्षण घेवपाच्या ह्या भागराळ्या संदीचो लाव घेवचो. बारावी पास जाले उपरांत यूएसएंतल्या एसटीएमटी हे संस्थेंत प्रवेश मेळोवन फुडार घडोवचो, अशें आवाहन फोमेंतो कंपनी वतीन विद्यार्थ्यांक केलां.