भांगरभूंय | प्रतिनिधी
म्हापशें, प्रतिनिधी ः साळगांव पठाराचेर रस्त्या कुशीक सतीश सीतारामण (२३, मूळ तामीळनाडू) ह्या तरणाट्याची कूड सांपडली. सोमारा पोस्टमार्टम केल्या उपरांत मरण आयिल्ल्याचें कारण स्पश्ट जातलें. ही घडणूक आयतारा दनपारच्या २ वरांचेर उक्ताडार आयली.
पिळर्ण उद्देगीक वसणुके लागसारा साळगांव पठार वाठारांत रस्त्या कुशीक ही कूड सांपडली. घडणुकेची म्हायती मेळटांच साळगांव पुलीस निरीक्षक सोमनाथ माजीक हांच्या नेतृत्वाखाला पुलिसांनी घडणुके सुवातेर वचून पंचनामो केलो. मरण आयिल्ल्याचे पॅन्टींत पाकीट सांपडले. ह्या पाकिटांत सतीश हाची वळख पटपी कागदपत्रां सांपडलीं. पंचनामो करून ताची कूड पोस्टमार्टमा खातीर धाडल्या. सोमार सतीश हाचे कुडीर पोस्टमार्टम जातलो. ताचे उपरांत ताच्या मरणा फाटलें कारण कळटलें. सध्या असैमीक मरण म्हणून नोंद केलां, अशी म्हायती पुलीस अधिकार्यांनी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
