भांगरभूंय | प्रतिनिधी
नाण्यांचेर उर्दू आनी पर्शियन शब्दांत मुघल सम्राटांचीं नांवां
बेल्हार, खबरां संस्था: एका गांवांत जेसीबी घालून शेत खणटना एका आयदनांत व्हडा प्रमाणांत प्राचीन नाणी सांपडलीं. हीं नाणीं सांपडिल्ल्याची खबर मेळटांच प्रशासनाचे सगळे अधिकारी घडणुके सुवातेर पावले.
प्रशासकीय अधिकार्यांक १६८ प्राचीन नाणी सांपडलीं. ताचे पयलीं थळावे लोक कांय नाणी घेवन पळून गेले. उपरांत अधिकार्यांनी जेसीबी चालक आनी हेरांचेर गुन्यांव दाखल करपाचें पत्र दिलां. ही घडणूक उत्तर प्रदेशांतल्या संत कबीर नगर हांगाच्या बेल्हार पुलीस स्टेशन हद्दींतल्या लोहरौली मिश्रा गांवांत घडली.
परवानगी घेनासतना जेसीबीचे मजतीन बेकायदेशीरपणान माती खणटाले. उर्दू आनी पर्शियन भाशेंत मुघल सम्राटांचीं नांवां ह्या नाण्यांचेर बरयल्यांत. नाणी सांपडले उपरांत पुराय गांवांत बरोच बोवाळ जाला. नाणीं पळोवपाक ग्रामस्थांची व्हडली गर्दी जाल्ली.
खणटना जेसीबी चालकाक जमिनी भितर कितें तरी आदळिल्ल्याचो आवाज आयलो. तेन्ना एक कळसुली दिसली. ती मुगल काळांतल्या रुप्याच्या नाण्यांनी भरिल्ली.
नाणीं सांपडिल्ल्याची बातमी गांवांत पातळटांच संदीचो फायदो घेवन कांय जाण हाताक मेळटा तीं नाणीं घरा घेवन गेले. दुसर्या दिसा ही गजाल मेहदवळ तहसील प्रशासनाक कळटांच एसडीएमच्या सुचवणे वयल्यान प्रशासनाच्या लोकांनी घडणुके सुवातेर पावून १६८ नाणीं जप्त केलीं. हीं नाणी सुमार ५०० वर्सां आदलीं आशिल्ल्याचें सांगलें. पुरातत्व विभाग जप्त केल्ल्या नाण्यांची तपासणी करतलें. मेहंदावलचे एसडीएम अरुण कुमार हांणी, जप्त केल्लीं नाणीं सिल केल्यांत. आतां ह्या प्रकरणाची पुरातत्व विभाग चवकशी करतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
