भांगरभूंय | प्रतिनिधी
पणजी, बातमीदार ः शेनवारा पणजे चडांत चड तापमान 35.8 अंश सेल्सियस तापमानाची नोंद जाल्या. राज्यांत 2 ते 5 जून मजगतीं वादळी वाऱ्या सयत पावस पडपाची शक्यताय आसा. हवामान खात्यान ह्या चार दिसां खातीर यलो अलर्ट जारी केला.
सध्या राज्यांतलें वातावरण उश्ण आनी दमट अशें आसा. फाटले कांय दीस राज्यांतल्या तापमानांत वाड जायत आसा. तातूंत मॉन्सूनपूर्व पावस पडूंक नाशिल्ल्यान गरमीय वाडल्या.
शुक्रारा मॉन्सून केरळा सयत ईशान्ये कडल्या राज्यांत दाखल जालो. थंय मॉन्सूना खातीर पुरक वातावरण तयार जालां. फुडले दोन ते तीन दिसांत मॉन्सून कर्नाटक आनी तामिळनाडू राज्यांतल्या कांय वाठारांत पावतलो, अशें हवामान खात्यान स्पश्ट केला. पूण राज्यांत मान्सून केन्ना दाखल जातलो हें विशीं अजून हवामान खात्यान स्पश्ट सांगूक ना.
2 ते 5 जून मेरेन ‘येलो अलर्ट’
राज्यांत 2 ते 5 जून मजगतीं वादळी वाऱ्या सयत पावस पडपाची शक्यताय हवामान खात्यान उक्तायल्या. ते खातीर ह्या चार दिसां खातीर यलो अलर्ट जारी केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
