भांगरभूंय | प्रतिनिधी
बँकेंतल्यान रीण घेवपाचें आसा? जर जाप हय आसल्यार, तुमकां तुमच्या CIBIL स्कोरा विशीं म्हायती आसपाक जाय, कारण तुमचो CIBIL स्कोर बँक तुमकां रीण दितली काय ना हें थारायता. तुमचो CIBIL स्कोर वायट आसल्यार बँक तुमकां रीण मेळचें ना अशी सरळ जाप दितली. अशे परिस्थितींत CIBIL स्कोअर म्हणल्यार कितें आनी तो वायट आसल्यार खंयच्यो 3 गजाली पाळून तुमी तो सुदारपाक शकतात हें आयज तुमकां आमी सांगतलीं.
सिबील स्कोर ही एके तरेची रेटिंग पद्दत. ताच्या आदारान बँको तुमच्या रिणाची क्रमवारी करतात आनी ताचेर आदारून बँकेक रीण फारीक करपाची तुमची शक्यताय कितें तें थारायतात. सिबिल स्कोर 300 ते 900 मदीं आसता. तुमचो स्कोर जितलो चड आसतलो तितलेंच तुमकां रीण मेळपाची शक्यताय चड आसतली. खरें म्हणल्यार 79% रिणां सिबिलाच्या आदाराचेर मान्यताय दितात. जांचो सीआयबीएल गूण 750 वयर आसा तांकां बरें रेटिंग मानतात.
तुमचो सिबील स्कोर वायट आसल्यार तो सुदारपाचे जायते मार्ग आसात. ह्या कामांत क्रेडीट सल्लागार तुमकां मदत करूंक शकतात, जे एके तरेचे ‘लोन डॉक्टर’ समजा.
लोक आपल्या फुडारा खातीर बरी निवड करपा खातीर करिअर सल्लागारा कडेन वतात. मानसीक भलायके खातीर मानसीक भलायकी सल्लागारा कडेन वतात. तेच प्रमाण सिबील गूण सुदारपा खातीर क्रेडीट सल्लागारा कडेन वयचें पडटा. त्या लोकां खातीर क्रेडीट सल्लागार फायद्याचो आसता, जे कांय कारणांक लागून आपलें रीण वेळार फारीक करूंक शकनात आनी तांचो सिबील स्कोअर वायट आसता. अशे लोक क्रेडीट सल्लागाराच्या आदारान आपले गूण सुदारपाक शकतात. क्रेडीट समुपदेशन एजन्सी तुमकां रिणाच्या वेवस्थापन येवजणे विशीं योग्य सल्लो दिवपाक शकता. कांय क्रेडीट काउन्सलिंग एजन्सी हाचे खातीर म्हयन्याळी शुल्क घेतात.
क्रेडीट समुपदेशनांत सादारणपणान अर्थीक वेवस्थापन, अर्थसंकल्प आनी रिण फारीक करपा खातीर नव्या रणनितीं विशीं म्हायती दिवपी सत्रांचो आस्पाव जाता. क्रेडीट सल्लागारान दिल्लो सल्लो चालीक लायल्यार तुमचो सिबील स्कोर सुदारूं येता.
तुमचो क्रेडीट स्कोअर 750 सकयल देंवला जाल्यार आयजूच ह्या तीन गजालींचेर उपाय काडपाक सुरवात करात. पयलीं तुमचे कडेन एका परस चड क्रेडीट कार्ड आसल्यार एक सोडून हेर सगळे कार्ड बंद करात. दुसरें, तुमच्या क्रेडीट कार्डाच्या शिल्लकांतले फकत 30% म्हयन्याक खर्च करपाची संवय करात. निमाण्या बिंदूच्या देय तारखे पयलीं तुमचें क्रेडीट बिल भरात. ह्यो तीन गजाली लक्षांत दवरल्यार फुडल्या 3 म्हयन्यां भितर तुमचो क्रेडीट स्कोअर सुदारूं येता. सादारणपणान ताका 6 म्हयने लागूं येतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
