भांगरभूंय | प्रतिनिधी
बिहार राजभवनांत मनयलो गोंय घटक राज्य दीस
पणजी, प्रतिनिधी ः सकारात्मक नदरेन वावर केलो जाल्यार बिहाराची पसून सगळ्या वाठारांत उदरगत जावप शक्य आसा, अशें बिहाराचे राज्यपाल राजेंद्र आर्लेकार हांणी म्हणला. बिहार राजभवनात गोंय घटर राज्य दीसाची कार्यावळ जाली. हे वेळार तांणी हे वक्तव्य केले.
राजेंद्र आर्लेकार हांणी फेसबुका वरवीं घटक राज्य दीसाच्या कार्यावळीची म्हायती दिल्या. गोंय हे ल्हान राज्य आसा. गोंय ल्हान राज्य आसलें तरी शिक्षण, उद्देग आनी पर्यटन हे वाठारांत गोंयान बरीच उदरगत केल्या. अशीच उदरगत बिहार राज्याक पसून करप शक्य आसा, अशें आर्लेकार हांणी हे वेळार उलयताना सांगलें.
30 मे 1987 हे दिसा गोंयांक घटक राज्याचो दर्जो मेळ्ळो. घटक राज्याक अंदूं 37 वर्सां पुराय जाल्या. एक भारत, श्रेष्ठ भारत येवजणे खाला बिहार राजभवनाचेर सगळ्या राज्यांच्यो कार्यावळी जाता. बिरेस्तारा 30 मेंक गोंय घटक राज्य मनोवपी कार्यावळ जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
