भांगरभूंय | प्रतिनिधी
पणजी, प्रतिनिधी ः आॅस्ट्रेलिया काॅन्स्युलेट अधिकाऱ्यांच्या एक शिष्टमंडळाक गोंयचे दर्यादेगेर पाळत दवरपी जिवरक्षक एजन्सी दृश्टी मरीनान बुडप्यांक वाचोवपाचे धाडस दाखयले. एआय यंत्रणा आनी श्वान पथक वापरून कसो मनश्याचो जीव वाटयता हाचे प्रात्यक्षिक मिरामार दर्यादेगेर घडोवन हाडले. प्रात्यक्षिका उपरांत आॅस्ट्रेलियाचे काॅन्स्युल जरनल पॉल मर्फी हांनी सोशल मिडया वरवीं दृश्टी मरीनांची तोखणाय केल्या.
मुंबयचे आॅस्ट्रेलियन काॅन्सूल जनरल पॉल मर्फी, कोन्सुल कांता दास आनी आर्थिक राजनीती आनी संशोधन अधिकारी गरिमा शेखवानी हांणी दृश्टीच्या जीवरक्षकां बरोबर चर्चा केली आनी मिरामार दर्यादेगेर एआय यंत्रणा औरस आनी ट्रायटन तशेंच श्वान पथक पॉ स्क्वॉड हे दर्यात बुडपी मनश्याचे जीव कसो वाटयतात हाचे प्रदर्शन घडोवण हाडले.
मर्फी हांचे वांगडा चर्चा केले उपरांत दृश्टी मरीनचे सीईओ नवीन अवस्थी हांणी सांगले की मिरामार दर्यादेगेर बुडत्या मनश्याचो जीव कसो वाटोवप आनी बुडपाचे गजालींचेर कशे नियंत्रण दवरप हाचे प्रात्यक्षिक दाखयले. आमचे आधुनिक दर्यादेगर सुरक्षा उपक्रम जशें की पॉ स्क्वॉड आनी एआय तंत्रगिन्यान हाचेर चड लक्ष आमी प्रात्यक्षिक दाखयले. मर्फी हांचे भेटीक लागून आमचे जीवरक्षकांक एक नवी उर्बा मेळ्ळ्या अशें अवस्थी हांणी सांगलें.
उपरांत मर्फी हांणी एक्सा वरवीं दृश्टी मरीन हांचे उपक्रमाची तोखणाय केली. दृश्टी मरीन हांचे दर्या आनी उदका सुरक्षा हांचे प्रात्येक्षिक पळयले. गोंय मिरामार दर्यादेगेर जीवरक्षक सुणो आणी रोबोट हे खरे भारतीय उपक्रम आसात. आॅस्ट्रेलियाचे फामाद एसएलएसए आॅस्ट्रेलिया हे संस्थेन 450 शक्तीशाली भारतीय जीवरक्षकांक गिन्यान दिवन आॅस्ट्रेलिया दृश्टी मरीना वांगडा काम केल्ले आसा, अशें मर्फी हांणी एक्स वरवीं सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
