भांगरभूंय | प्रतिनिधी
धेंपो स्पोर्ट्स क्लबान गोंय फुटबॉल असोसिएशनाच्या 17 वर्सां पिराये सकयले विभाग एक फुटबॉल सर्तीचें वस्तादपण जोडलें. शिरसय फुटबॉल मैदानाचेर जाल्ले मॅचींत ताणें सेझा फुटबॉल अकादमी आड 4-0 अशें जैत जोडलें.
मध्यांतरा मेरेन धेंपो स्पोर्ट्स क्लबान 2-0 अशी आघाडी घेतिल्ली. केडन फालेरोन 31व्या मिनटाक गोल करून धेंपोचें खातें उगडलें. ते उपरांत पयल्या अर्दाच्या इंज्युरी टायमाच्या पयल्या मिनटांत अशोन वाझान गोल करून धेंपोची आघाडी 2-0 अशी केली.
दुसऱ्या अर्दांत लेगीत धेंपोन आपलो शेक दवरलो. ताणें ह्या अर्दांत दोन गोल केले. ह्या अर्दांतलो पयलो गोल 60व्या मिनटाक कृतिक गायकवाडान जाल्यार 73व्या मिनटाक तनूज सिंगान गोल केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
